EH Bildu: Kontsulta Legea ebakitzeko eskubidearen legezko aterkia da
Hasier Arraiz EH Bilduko legebiltzarkide eta Sortuko presidentearen hitzetan, koalizio abertzaleak gaur Legebiltzarrean aurkeztutako Herritarrak Ahalduntzeko Lege-proiektua edo Kontsulta Legea "erabakitzeko eskubidearen legezko aterkia da".
Hasier Arraizekin batera, Pello Urizarrek, Rebeka Uberak eta Oskar Matutek erregistratu dute ekimena Eusko Legebiltzarrean.
Lege-proiektua erregistratu ondorengo prentsaurrekoan Arraizek adierazi duenez, EAEko herritarrek euren etorkizun "politiko, ekonomiko eta soziala erabakitzeko" egin asmo dituzten kontsultei "legezko babesa" emateko jaio da ekimena.
Arraizen hitzetan, Katalunia eta Euskal Herriaren "errealitate nazionalen" aurrean Estatuak haragitzen duen "ezetzaren eta inposizioaren fronteari" emandako "erantzuna" da Kontsulta Legea. "Hau da gure tresna, hau da gure eskaintza politikoa: demokrazia, jendeari galdetzea, jendeari entzutea eta jendearen hitza eta erabakia onartzea", erantsi du EH Bilduko legebiltzarkideak.
EAJri zuzenduta
EH Bilduko bozeramailearen aburuz, lege-proiektuak "erabakitzeko eskubidearen alde Eusko Legebiltzarrean dagoen gehiengo zabalaren -EAJk eta EH Bilduk 47 ordezkari dituzte- babesa izateko baldintzak" ditu. Euren proposamenera biltzeko EAJri zuzendu zaio, beraz, Arraiz.
"Helburuan bat bagatoz, helburu hori lortzeko tresnetan ere ados jarri ahalko gara", nabarmendu du eta Legea legegintzaldia amaitu baino lehen, 2016ko udazkenean, onartu ahalko dela uste du. Egitasmoa Legebiltzarrean eztabaidatzeko datari dagokionez, berriz, otsailaren 4a aipatu du Arraizek, urtarrila osoko bilkurak egiteko baliogabea delako. "Legea errealitate egiteko epea badago. Borondate politikoa baino ez da behar", agertu du EH Bilduko bozeramaileak.
'Konfrontazio demokratikoa' Estatuarekin
Euskadi Irratiak aurreratu duen bezala, egitasmoak 59 artikulu, hiruna xedapen gehigarri eta iragankor ditu. Estatuaren "inposizio" eta "ukazioen" aurrean, euskal herritarrek erabakitzeko eskubidea izatea ahalbideratzea du asmo lege-proiektuak.
"Ez dugu lege proposamen hau hona ekarri hemengo inorekin konfrontatzeko. Madrilen gure herria ukatzen dutenekin, gure nazio eskubideak ukatzen dituztenekin konfrontatu ahal izatea da gure helburua. Konfrontazio demokratikoaren aroan gaudelako Katalunian, Euskal Herrian eta Espainiar Estatuan, haustura demokratikorako garaia da eta gure tresna da demokrazian sakontzea", azpimarratu du Arraizek.
EH Bilduko bozeramailearen aburuz, euskal herritarrek badute euren etorkizuna erabakitzeko "zilegitasun demokratikoa" eta, hain justu, zilegitasun horri eutsiko diote koalizioko kideek "Madrildik etor daitekeen ukazioari aurre egiteko". Adierazi duenez, "Madrilek gure herriari dagozkion eskubide demokratikoak ukatuko balitu, EH Bilduko legebiltzarkideok gure herritarrek emandako aginduari bakarrik eutsiko diogu, eta beraien borondate politikoa bururaino eramaten saiatuko gara. Kosta ala kosta", borobildu du.
Lege-proposamena erregistratu duten unea. Argazkia: EFE
Nafarroa
EH Bilduk aurkeztutako lege-egitasmoak jasota duenez, herri gisa Euskadik duen erabakitzeko eskubidea aitortzeko eskatuko zaio Espainiako Estatuari, hori "demokraziaren ezinbesteko betekizuna" dela argudiatuta.
Legea EAEko hiru lurraldeetan aplikatzekoa dela aipatzen bada ere, xedapen gehigarri bat erantsi dute testuan Nafarroarekin batera jokatu ahal izateko. "Erabakitzeko eskubidea, herri baten eskubide historikoak gaurkotzea den heinean, eskubide hori lortu eta gauzatzeko orduan Nafarroarekin batera jokatu ahalko da, betiere EAEko eta Nafarroako herritarrek hala erabakiko balute", irakur daiteke agirian.
"Herritarrak beren etorkizun politiko, ekonomikoa eta sozialaren jabe izatea da kontua", testuaren arabera, eta "euren nahia modu aske eta demokratikoan agertzea izango da muga bakarra".
16 urte, galdeketan parte hartzeko
Lehendakariari, Eusko Jaurlaritzari, ahaldun nagusiei eta alkateei ematen die lege-proiektu horrek herri-galdeketak deitzeko ahalmena, eta herri-ekimenen bidez ere deitu ahalko dira, 5.000 sinadura bilduta.
Bestalde, horrek aurrera eginez gero, 16 urtetik gorakoek izango dute botoa emateko eskubidea. Berez, EAEn erroldatuta daudenek bakarrik bozkatu ahalko dute, baina atzerrian bizi eta parte-hartzaileen errolda batean izena emanda daudenek ere gauzatu ahalko dute bozkatzeko eskubidea.
Horrez gain, kontrolerako batzorde bat sortzeko proposamena egin du EH Bilduk.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.