PPk handitu egin du PSOErekin duen aldea; Ciudadanos, hirugarren
Hauteskunde orokorrak gaur egingo balira, PPk irabaziko lituzke, PSOErekin, bigarren indarrarekin, duen aldea handituta (3,8 puntu), gainera. Hala aurreikusi du gaur kaleratu duten Espainiako Ikerketa Soziologikoaren Zentroak boto-asmoaren inguruan egindako inkestak. Barometroak jaso duenez, Ciudadanosek lekua kenduko dio Podemosi, eta hirugarren indar izango da.
Horren arabera, 'popularrek' botoen % 29,1 jasoko dituzte, eta 3,8 puntura handituko du sozialistei ateratako aldea. PSOEk ere, gora egin du, botoen % 25,3 jasotzea aurreikusi baitu galdeketak.
Ciudadanos izango da hirugarren indarra, CISen arabera, botoen % 14,7 (uztaileko bBarometroak iragarritakoa baino 3,6 puntu gehiago) jasoko baititu. Podemos, berriz, laugarren tokira jaitsiko da, horien babesa % 10,8ra jaitsiko baita (uztailean, % 15,7koa zen).
Urriaren 1a eta 12a bitartean egin zituzten galdeketak, irailaren 27an Katalunian hauteskundeak egin ondoren.
Ondorioz, PP izango da berriro lehen indarra, CISek uztailean kaleratu zuen inkestan baino bederatzi hamarren gehiago lortuko dituela aurreikusi baitu azken honek. PSOEk ere hobetu ditu aurreikuspenak, lau hamarren egin baitu gora.
IUk goranzko joerari eutsi dio, puntu bat egin baitu gora. Hauteskunde orokorrak gaur egingo balira, botoen % 4,7 eskuratuko lituzke, eta UPyDk behera egingo luke, botoen % 1,2 eskuratuta. CDCk (Unió gabe) lau hamarren galduko lituzke, botoen % 2,9 lortuta, eta Josep Antoni Duran i Lleidaren alderdia, CISen arabera, botoen % 0,1 besterik ez du jasoko. ERCk, bere aldetik, uztailean aurreikusitako emaitza lortuko du (botoen % 2,2).
Euskal alderdiak
Amaiur koalizioak gora egingo du hamarren bat, botoen % 1,2 jasota, eta EAJk behera, % 1,3tik % 0,7ra, hain zuzen. Geroa Baik, berriz, botoen % 0,1 eskuratuko ditu berriro (aurrekoan aurreikusitako emaitza bera).
CISek hauteskunde orokorren inguruko inkesta bat egingo du kanpaina hasi baino lehen, eta (galdeketan jasotako datuak baieztatuz gero) eserlekuak nola banatuko diren jasoko du bertan.
Buruzagi politikoen balorazioari dagokionez, Uxue Barkos Nafarroako presidentea (maiatzean utzi zuen Geroa Baiko diputatuak bere eserlekua) dago zerrendan lehen postuan. Presidentetzarako hautagaien artean, Pedro Sanchez dago buruan, 3,84 puntu jasota; Rajoyk baino puntu bat gehiago.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.