Senatura hautagaitza bakarra aurkezteko akordioa lortu dute Nafarroan
Nafarroako Gobernuko lau alderdiek hautagaitza bateratua aurkeztuko dute Senatura datozen hauteskunde orokorretan. Laura Perez Ahal Duguko bozeramaileak jakinarazi du Geroa Bai, EH Bildu, Ahal Dugu eta Izquierda-Ezkerra alderdiek akordioa lortu dutela.
Ahal Duguk bere alderdiko ordezkari bat hautagaitza bateratuaren lehendabiziko postuetan joatea exijitzen zuen, jada senatari autonomiko bat badu ere, eta eskaera horrek arazoak eragin ditu negoziazioan; izan ere, gainerako alderdien iritzian, Ahal Duguri ordezkaritza handiegia ematea suposatzen zuen horrek, eta, aldi berean, Nafarroako Gobernua osatzen duten lau alderdietako ordezkariak zerrendan izatea oztopatzen zuen.
Azkenean, Ahal Duguk exijentzia hori baztertzea erabaki du, Geroa Baik, EH Bilduk eta Izquierda-Ezkerrak beste baldintza batzuk onartu dituztelako, hala nola, Idoia Villanueva senatari autonomikoa Ahal Duguren taldean egotea eta ez talde mistoan.
Horrez gain, aipatu alderdiek onartu egin dute hautagaitza bateratuan doazen ordezkariak Ahal Duguren kodigo etikoa bere egitea.
“Nahiago izan dugu hautagaitzako ordezkari guztiek kodigo etiko bat onartu behar izatea, zerrendako lehen postuetan gure hautagai bat egotea baino”, azpimarratu du Nafarroako Ahal Duguren buruzagiak.
Baldintzak
Kodigo etiko horren arabera, hautagaiek ordainsaria murriztuta izango dute eta, ondorioz, lanbidearteko gutxiengo soldataren hirukoitza izango da gehienez. Egun, senatariek gehiago irabazten dute, eta neurri honekin aurreztuko duten dirua Nafarroan inbertituko dute, lau alderdien artean prozesu “garden eta parte-hartzaile” baten bidez erabakitako proiektu sozialak gauzatzeko, hain zuzen ere.
Horrez gain, hautagaiek uko egingo diete senatari izateagatik dagozkien “pribilegio material eta juridikoei”, besteak beste, pentsio-planei, mutualitateko aseguruei edo “ate birakariak” baliatzeari.
Laura Perezek gogoratu du hauteskunde talde bat izango den heinean, 5.000 sinadura bildu behar dituztela hauteskundeetara aurkeztu ahal izateko.
Amaitzeko, ez du argitu hautagaitzaren izena zein izango den, ezta hautagaiak nortzuk izango diren ere. Alabaina, “laster” jakinaraziko dituztela zehaztu du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.