Frantziak bizi osorako espetxe-zigorra ezarri dio Mikel Karrerari
Frantziako Justiziak bizi osorako kartzela-zigorra ezarri dio Mikel Karrera Sarobe ETAko buruzagi izandakoari, 2010eko martxoaren 16an Jean-Serge Nerin jendarmea tiroz hiltzeagatik. Nerin ETAk eragindako azken biktima izan zen.
Horrez gain, Parisko Zigor Auzitegiak 14 eta 25 urte arteko espetxealdiak ezarri dizkie ETAko gainerako bost auzipetuei, Villiers en Biere herrian, Paris hegoaldean, Poliziaren patruila batekin tiroketa izan zuen eta bost ibilgailu lapurtu zituen taldeko kide izateagatik.
Epaileek 25 urteko kartzela-zigorra ezarri diote Arkaitz Agirregabiriari, berak eman zuelako armak erabiltzeko agindua.
Joseba Fernandez Aspurzi eta Josu Urbieta Akortari, berriz, 16 urteko zigor bana ezarri diete, jendarmeen aurka tiro egin zutela frogatuta geratu delakoan. Fernandez egun horretan bertan atxilotu zuten.
Izaskun Lesakari eta Xabier Goienetxeari 14 urteko espetxealdia ezarri diete, kontzesionario bateko lapurretan parte hartzeagatik eta bertako langilea indarrez lotuta uzteagatik.
Goienetxeari Nerin hiltzea ere egotzi zioten hasiera batean; izan ere, bi pertsona ezberdinek egindako tiroen ondorioz hil zuten; horietako bat Mikel Karrera izan zen, baina Poliziak ez zuen froga nahikorik lortu bigarren tiratzailea nor izan zen jakiteko. Horrenbestez, Fiskaltzak ez zuen delitu horrengatik Goienetxea zigortzea eskatu.
Bestalde, Mikel Karrerari erakunde terroristako buruzagi izatea ere leporatu diote, ETAko talde logistikoa eta militarra zuzentzen zituelako.
Gauzak horrela, bigarren aldia da Frantzian bizi osorako espetxealdia ezartzen diotela Karrerari. Zigor bera ezarri zioten 2007ko abenduaren 1ean, Capbretonen, bi guardia zibil tiroz hiltzeagatik.
Albiste gehiago politika
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "bere garaian egiten zen aurreikuspena zen une honetan instalazio hori erabiltzen duten autobus askok, Gasteiz edo Bilbo jatorri-helmuga dutenek, desagertzeko joera izatea euskal 'Y' abiadura handiko trenaren zerbitzua martxan jartzean" lehiakorragoa delako, baina hori "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak Txiki eta Otaegi biktimak direla azpimarratu du, baina urteurrena ez instrumentalizatzea eskatu du
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzako bozeramailean gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.