Masek uko egin dio presidente izateari, eta Puigdemont proposatu du
Artur Mas Generalitateko jarduneko presidenteak ziurtatu duenez, alboratu egingo da eta ez da Generalitateko presidente izateko berrautaketara aurkeztuko. Halaber, iragarri du bihar Kataluniako Parlamentuan egingo den inbestidura saioaren lehendabiziko bozketan izendatuko dutela Carles Puigdemont Gironako egungo alkatea Generalitateko presidente.
Generalitateko Jauregian eskainitako prentsaurrekoan, Masek azpimarratu du erabaki zaila izan dela, baina oso lasai dagoela. Haren esanetan, erabaki guztiek onurak eta kostuak dituzte eta, kasu honetan, "onurak kostuak baino gehiago dira". Dena den, nabarmendu du ez duela "kargurik" nahi eta igande gauean Generalitateko presidente ohi izatera igaroko dela adierazi du.
Masek azaldu du azken orduotan gauzatu dela akordioa eta ez zegoela aurreikusita. Gainera, haren lehentasuna herriaren alde lan egitea dela gaineratu du.
Artur Mas Generalitateko jarduneko presidentea. Argazkia: EFE
Masek CUPekoekin adostu duenez, Puigdemont bihar presidente inbestituko dute Kataluniako Parlamentuan izandako saioan, eta lehenengo bozketan, gainera.
Hori da akordioaren funtsezko konpromisoa. Ordainetan, CUPeko bi diputatu Junts pel Siren 'parlamentu-disziplinara' igaroko dira. Horrela, ez independentistekin alderatuta, talde horrek diputatu gehiago izango ditu Parlamentuan (64).
"Hautetsontziek eman ez zigutena, negoziazioaren bidez zuzendu egin dugu", azaldu du Kataluniako jarduneko presidenteak.
Gainera, akordio horren arabera, CUPek ez du "inolaz ere" independentziaren aurka dagoen oposizioarekin bat egingo. "Ezin da Everestera espartinekin igo, ondo prestatuta joan behar gara", ondorioztatu du Masek.
Akordio horri esker, "prozesua salbatzen da, Parlamentuak funtzionatzen hasi ahal izango du eta Gobernuak lanean hasi, astero edo hilero haren proposamenak atzera botako ez duten bermearekin".
Inbestidura-saioa, igande arratsaldean
Carme Forcadell Parlamentuko presidenteak bozeramaileen batzordea deitu du igande honetarako, 16:00etarako. Geroago, Carles Puigdemont presidentegaiaren inbestidura-saioa egingo dute.
Kataluniako Parlamentuak iragarri duenez, bozeramaileekin inbestidura-eztabaida berria adostuko dute eta, parlamentu-taldeekin kontaktuak amaitu ostean, inbestidura-saioa abiatuko dute, 17:00etan, hain zuzen ere.
Artur Mas eta Gironako alkate eta Generalitateko presidentegai Carles Puigdemont. Argazkia: EFE
Ez du politika utziko
Dena dela, Artur Mas Generalitateko jarduneko presidenteak gaur nabarmendu duenez, ez du politika mundua utziko, prozesu independentistan eta CDC berriro sortzen "laguntzen" jarraituko du. Gainera, ez du baztertu etorkizuneko hauteskundeetan berriro hautagaia izatea.
Jarduneko presidenteak ez du baieztatu Junts Pel Siren diputatu-agiria utziko ote duen, baina politikan ibiliko dela azpimarratu du. "Segun eta nola doazen gauzak Katalunian, zabalik geratzen da atea", esan du.
Puigdemontek eskerrak eman dizkio
Gironako alkate eta JxSren presidentegai Carles Puigdemontek eskerrak eman dizkio Artur Masi independentziaren aldeko proiektuan "buru izateagatik".
"Hasitako proiektua daukagu, ongi bideratuta eta sendoa. Guztiok gara beharrezkoak. Eskerrik asko, presidente, buru izateagatik eta aurrera egiteagatik", idatzi du Twiterren.
Junquerasen erreakzioa
Bestalde, Oriol Junqueras ERCko presidenteak lotutako akordioan parte hartu dutenei eskerrak eman dizkie. "Eskerrik asko guztiei, ekintza historikoa izan da. Hurrengo geralekua: independentzia! Etorkizuna gurea da, guztiona. Ez dugu amore emango. Ez dugu inoiz egin eta ez dugu inoiz egingo", esan du Twitterren.
'Erronka independentistari aurre egin'
Generalitateko presidentegai berriaren aurrean, betiere legea beteko dela bermatu du Espainiako Gobernuak, eta Espainiako Gobernu berriari deia egin dio espainiar guztien eskubideak defendatu ditzan eta "erronka independentistari" aurre egin diezaion.
CUPek bihar berretsiko du akordioa
Batzorde politikoa eta Parlamentu-Ekintzarako Taldea deitu ditu biharko CUPek Junts Pel Sirekin hitzartutako akordioa berresteko. Akordio horren arabera, Masek testigantza eman dio Carles Puigdemont Gironako alkateari eta, horren ondorioz, hori izango da Generalitaterako presidentegai berria.
CUPeko iturriek jakitera eman duenez, bilera 11:00etan hasiko da CUPEko egoitzan, eta gaur lotutako ituna "berretsi" behar izango dute batzorde politikoa osatzen duten 10 diputatuk.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.