XI. Legealdia hasi da Gorte Orokorretan
Abenduaren 20ko hauteskunde orokorretatik atera ziren Gorte Orokor berriak gaur osatuko dira. Hauteskundeak irabazi zituen alderdiko kide batek ez du Kongresua zuzenduko lehen aldiz; izan ere, Patxi Lopez sozialista izango da presidentea. Horixe izango da, hain zuzen ere, berritasun nagusia.
Kongresuko eta Senatuko saioak ordu berean (10:00) abiatu dira eta XI. Legealdiari hasiera eman diote. Gobernua osatzeko zalantzek lehen saioa markatuko dute.
Kongresuan, presidentea eta Mahaiko gainerako zortzi kideak aukeratu ondoren 350 diputatuak karguaz jabetu dira.
Adineko Mahaia
Kongresuaren saioa Adineko Mahaia osatuz hasi da. Maria Teresa de Lara (PP) diputatu beteranoenak eta Maria Suchek (PSOE) eta Nagua Alba (Podemos) gipuzkoarrak, diputatu gazteenek, osatzen dute.
Kongresuko araudiaren arabera, Adineko Mahaia parlamentari hautetsi zaharrenak, kasu honetan 72 urteko Larak, eta bi gazteenek, 25 urteko Suchek eta Albak osatzen dute. Azken biak idazkariak dira.
Atzerapen txikia
Saioa minutu batzuetako atzerapenarekin hasi da, ERCko diputatuek esertzeko lekurik ez zutelako; izan ere, aurreneko bilkuran aulkiak ez daude banatuta.
70 diputatu baino gehiago, PSOEkoak eta Podemosekoak batez ere, saioa hasi baino ordubete lehenago aulkietan eseri dira.
Arazotxoa konpondu, saioari hasiera eman eta ongietorria egin die Larak ordezkari guztiei. Gaur hasten den legealdian elkartasuna eta ?gainditzeko grina? nagusi izango direla uste du Larak.
?Berez baikor naizela aitortzen dut, eta erakunde honen onena iristear dago oraindik?, adierazi du. Saioa hasi ondoren, idazkarietako batek deialdi Errege Dekretua irakurri du.
Pablo Iglesias Podemoseko buruzagia Carolina Bescansaren alabrekin Kongresuan. Argazkia: EFE
Diputatuen izena irakurri ostean, Mahaia aukeratzeari ekin diote. Aurrena presidentea izendatu dute, bozketa boto-txartelekin hautetsontzi batean eginez. Behin aukeraturik, Mahaiko kideek eserleku berriak hartu dituzte hemizikloaren tribunan.
Patxi Lopez, Ganberako presidente
Lehen bozketan aukeratua izateko 176 boto ez ditu lortu Patxi Lopezek. Ondorioz, bigarren itzuli batean Carolina Bescansa Podemoseko hautagaiarekin neurtu behar izan ditu indarrak; izan ere, azkenak 71 boz jaso ditu.
Bi bozketetan emaitza bera izan da: 130 boto Lopezentzat (PSOEren 89, Nueva Canariasen bat eta Ciudadanosen 40) eta 71 Bescansarentzat, Podemosen 69 diputatuak eta IU-Unidad Popularreko beste bi.
148 boto zuri izan dira, PPrenak eta alderdi txikienak. Bestalde, boto bat baliogabe utzi dute boto-txartelean 'Bescansaren haurra' idatzi dutelako.
Diputatu guztiek Patxi Lopez txalotu dute, baina sozialistak bakarrik jarri dira zutik izendapena ospatzeko. Aukeratu baino lehen, Jesus Posada aurreko presidentearekin hitz egin du Lopezek.
Lopezek erregeari, jarduneko Gobernuari eta Senatuko presidenteari Kongresua osaturik dagoela jakitera eman beharko die. Hori izango da bere lehen betebeharra.
Bozketen ondoren, 350 parlamentari hautetsiek diputatu karguaz jabetu dira zin eginez edo aginduz.
Gobernu berria nola osatuko den inork ez dakiela hasi da legealdia, eta Podemos eta Ciudadanos alderdi berrien protagonismoarekin; izan ere, indar banaketa erabat aldatu dute biek.
Gomez de la Serna, izkina batean
Pedro Gomez de la Serna PPko diputatua Alderdi Popularraren aulkietan eseri da, nahiz eta baztertuta egon. Goiko izkina batean hartu du lekua eta bi alderdikide berri izan ditu ondoan.
Ganberako presidentea aukeratzeko lehen bozketan zehar ez du txintik ere esan, eta Carlos Salvador UPNko ordezkariarekin bakarrik hitz egin du botoa ematera joan denean.
Pedro Gomez de la Serna PPko diputatua Kongresuko presidentea aukeratzeko botoa eman ondoren. Argazkia: EFE
Senatua
Senatuak Kongresuaren antzeko eskema jarraitu du. Pio Garcia-Escudero berriro aukeratu dute Senatuko presidente, PPren gehiengo absolutuari esker.
Senatuko Mahaitik kanpo geratu da, azkenean, Podemos alderdia, gainerako alderdiekin akordiorik ez baitu erdietsi. Hala, EAJk ordezkaritza izango du Goi Ganberan, PSOErekin eta PPrekin batera; popularrek lau ordezkari izango dituzte Senatuko Mahaian, sozialistek bi eta jeltzaleek bakarra. Maria Eugenia Iparragirrek hartu du EAJren tokia.
Juantxo Lopez de Uralde eta Jorge Luis Bail EQUOko diputatuak (Podemos) bizikletan heldu dira Ganberara. Argazkia: EFE
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.