Autogobernuaren batzordeak azterketa faseari ekingo dio otsailean
Autogobernuaren batzordeak fase berri bati ekingo dio otsailaren 3an. Fase horretan, talde parlamentario bakoitzaren proposamenak aztertuko dira, txikienetik handienera, UPyDtik hasita. Helburua da legegintzaldi honetan Gernikako Estatutua berritzeko "oinarri politiko, ekonomiko eta sozialak" onartzea.
Gaur goizean izandako batzarrean alderdi bakoitzak Autonomia Estatutuaren balizko aldaketari buruzko bere proposamena azaltzeko erabili du, eta, ondoren, hedabideen aurrean azaldu dira lanen nondik norakoen berri emateko.
EAJ hala eskatuta, batzordeak beste lan-egutegi bat adostu du, otsailaren 3an abiatuko dena. Egun horretan alderdiek UPyDren proposamena aztertuko dute.
Hortik aurrera, gainerako taldeen (PP, PSE, EH Bildu eta EAJ) testuak landuko dira, bat etortzeak zein bat ez etortzeak identifikatzeko, balizko adostasun batera iritsi aldera.
EAJren bozeramaile Joseba Egibarrek esan duenez, hemendik eta legegintzaldia bukatu arte (aurreikuspenen arabera, urrian) batzordeak “zenbait oinarri politiko, ekonomiko eta sozial onartzea” espero du, "proiektu politiko berri bat eratzeko balioko dutenak".
Egibarrek azaldutakoaren arabera, bere alderdiaren proposamenak "bermedun negoziazioa" planteatzen du Estatuarekin, aldebikotasunetik abiatuta; hala ere, ohartarazi du negoziazioari uko egiteak eta galdeketak debekatzeak aldebakartasunari ateak irekitzen diotela.
Bere aldetik, Pello Urizarrek (EH Bildu) ziurtatu du bere alderdiak "batzeko borondatea" duela, eta nahiago duela "Eskozian edo Quebec-en egon den bezalako prozesua egotea". "Ez duguna nahi da, erabakitzeko eskubidea ukatzen bada, Madrilen egoera noiz aldatuko zain egon behar izatea", gaineratu du.
Isabel Celaá (PSE) azaldu du bere taldeak Gernikako Estatutuaren eguneraketaren inguruan "ahalik eta adostasun gehien" lortzeko asmoa duela, eta eztabaida horri heltzeko bi era daudela iritzi dio: konstituzioa aldatuta edota aldatu gabe. Gaineratu duenez, PSEk ez dio uko egiten agertoki bietan lan egiteari.
Erabakitzeko eskubideari buruz, era "anbiguoan" formulatuta dagoela gogoratu du, eta ez dakitela ondo zer dakarren berekin. Gainera, ohartarazi du munduko inongo konstituziok ez duela sezesio-aukera jasotzen.
PPko bozeramaile Borja Sémper batzordearen lan egiteko modu berriaren aurka agertu da, zeren, bere aburuz, “argiro azaldu ez duen xede politiko bati erantzuten dion luzamenduzko amarrua da, EH Bildurekin Estatutuaren balizko berriztapenaren inguruan edo estatus politiko berri baten inguruan adostasun-puntuak lortzeko”.
Gorka Maneiroren (UPyD) ustez, ezinbestekoa da bere alderdiak planteatutako "konstituzioaren eta estatutuaren berriztapenak egitea", eta erabakitzeko eskubidea Espainiako herritar guztiei dagokiela nabarmendu du.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.