III. Foro Soziala, ETAren armagabetzearen oinarriak finkatzea helburu
Hirugarren batzarra egiten ari da gaur Foro Soziala Gernikan, ETAren armagabetzearen oinarriak finkatzen saiatzeko eta gizarte zibilak prozesu horretan izan dezakeen ekarpena aztertzeko.
Bake Bidea, Uharan eta Gernikako batzordea elkarteek antolatu dute gaurko hitzordua, "Gizarteak eraikiz, bake prozesua indartzeko" lelopean. 150 partaide elkartu dira 09:30etik aurrera Gernikako Lizeo antzokian, eta batzarraren aniztasuna azpimarratu dute antolatzaileek.
EAJk, Ahal Duguk, EH Bilduk, LABek, STEE-EILASek eta CCOOk eta beste hainbat gizarte eragile parte hartzen ari dira Foro Sozialean. Gainera, bertan dira Euskadiko Gazteriaren Kontseiluko eta beste hainbat eragiletako kideak, horietako asko lankidetza arloan dihardutenak.
Brian Currin eta Alberto Spektorowsky Harremanetareko Nazioarteko Taldeko kideak hizlari gisa parte hartzen ari dira. Alberto Spektorowsky itxaropentsu mintzatu da eta uste du Espainian osatu daitekeen gobernu berriak Mariano Rajoyren gobernuak ETAren armagabetzearen alorrean ezarritako "blokeoa" hautsi dezakeela. Radio Euskadiko Ganbara saioan egindako elkarrizketan, indarkeria bukatuta, gatazka zigiluz behin betiko ixtea falta dela nabarmendu du Alberto Spektorowskyk. Haren esanetan, "gizarte zibilak funtzionatzen badu gainerakoak ere hobeto funtzionatzen du, hain zuzen ere, arazoak leundu daitezkeelako", eta horrek aurrerapausoak ematen lagundu dezake. "Bide onetik goazela uste dut", gaineratu du.
Brian Currinek ez ezik, ondokoak ere parte hartzen ari dira III. Foro Sozialean: Veronique Dudouet, Berghof Fundazioko kidea; eta Kristian Herbolzheimer, Conciliation Resources erakundeko proiektu kolonbiarren arduraduna.
Peio Dufau Bake Bideko bozeramaileak III. Foro Sozialaren aurkezpenean azaldu zuenez, hirugarren edizioaren helburua ETAren desarmeari "bultzada" ematea da, gai hori "funtsezkoa" baita bake-prozesuak aurrera egin dezan.
Bake Bideko kidearen hitzetan, Baionako adierazpenak (2014an aurkeztu zena) Frantziako Asanblea Nazionalera eraman zuen bake prozesua, hura bultzatzeko eta garatzeko "garrantzitsua" izan zena.
Hala ere, ez zuen esperotako arrakasta izan, 2014an ETAk armak zigilatzeko abiatutako prozesua "oso astiro" garatu baita.
Hori dela eta, III. Foro Sozialak gizartearen ekarpenak bideratu nahi ditu, armagabetze "ordenatu" baten oinarriak finkatzeko.
Bestalde, III. Foro Sozialak Kolonbiako bake prozesuan ere jarri du arreta eta gaiaz solasteko Carlos Alberto Ruiz Socha La Habanako elkarrizketetan aholkulari ibilitako abokatu kolonbiarra gonbidatu dute. Ildo horretan, prozesu horretatik atera diren eta Euskal Herriarentzat baliagarriak izan daitezkeen ideiak nabarmendu ditu Alberto Spektorowskik.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.