Inbestidurarako 'itxaropenik' ez izateko esan dio Sanchezek Rajoyri
Inbestidura saioari begira, itxaropenik ez izateko ohartarazi dio Pedro Sanchez PSOEko idazkari nagusiak Mariano Rajoy Espainiako gobernuko jarduneko presidenteari. Azaldu duenez, sozialistek ez diote "indultua" emango eta ez dute haren hautagaitza babestuko.
Horrela mintzatu da PSOEren Batzorde Federalaren aurrean egin duen hitzaldian. Gaurko Batzorde Federalean balizko gobernu progresista osatzeko negoziazioen baldintzak eta 39. kongresu federala egiteko data izango dituzte hizpide sozialistek.
"Itxaropenik ez izateko esan nahi diot Rajoyri. PSOEk ez dio haren botoarekin indultua emango", iragarri du.
Sanchezek azaldu duenez, ustelkeriak "jandako" alderdi batek ezin dio behar duen "egonkortasuna" eman Espainiari, eta inbestidurara aurkezten ez bada "etxera joateko" eskaera egin dio beste behin Rajoyri.
Ez duela Gobernuaren osaketaz hitz egingo ohartarazi dio Sanchezek Podemosi
Gobernu berria osatzeko ahaleginetan, ez duela Gobernuaren osaketaz, hots, "besaulkiez", hitz egingo ohartarazi die Pedro Sanchez PSOEko buruzagiak "alderdi berriei", Podemosi erreferentzia eginez. Sanchezek gaineratu duenez, sozialistek hiritarren arazoak jarriko dituzte negoziazio mahaian.
Pablo Iglesias Podemoseko burua PSOErekin eta IUrekin gobernatzeko prest agertu da, bera presidenteorde eta Podemoseko hainbat kide ministro direla. Eskaera horren aurrean, aipaturiko ohartarazpena egin dio Sanchezek Iglesiasi.
Bestalde, idazkari nagusiak azpimarratu du beste alderdiekin hitz egiteko prest dagoela, baina PSOErekin hitz egiten dutenek oso garbi izan behar dutela zertaz negoziatu daitekeen, hots, herritarren kezka eragiten duten gaiez.
PSOEk militanteei galdegingo die gobernua osatzeko balizko akordioen inguruan
Gobernua osatzeko balizko akordioa PSOEren Batzorde Federalak ez ezik, militante sozialistek ere berretsi egin beharko dutela hitzeman du Pedro Sanchezek.
Sanchezek adierazi duenez, gainerako alderdiekin egingo dituzten negoziazioak "irekian, argitan eta takigrafoen aurrean" egingo dituzte eta negoziazioen inguruko erabaki guztiek "iragazki eta berme guztiak" gaindituko dituzte.
"Ez dadila inor arduratu. Balizko erabakia Batzorde Federalak eta militanteek berretsi beharko dute", iragarri du Sanchezek Batzorde Federalaren aurrean. Bertan elkartu direnek txalo artean hartu dute Sanchezen iragarpena.
rpena.
rpena.
rpena.
rpena.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.