Iglesiasek Sanchezi esan dio ez duela negoziatuko C’s tartean badago
Pablo Iglesias Podemosen buruak esan du Pedro Sanchez PSOEren presidentegaiak negoziatzeko Podemos eta IU aukeratzea espero duela, Ciudadanosen ordez, eta ohartarazi du ez duela ezer negoziatuko sozialistekin horiek "eskuindarren" Gobernuaren aldeko apustua egiten jarraituz gero.
"Bihotzez espero dut aldaketaren aldeko Gobernu aurrerakoia hautatzea", azpimarratu du ordu eta laurdenez Sanchezekin Gobernuaren osaketaz hitz egin ostean emandako prentsaurrekoan.
Hala, Podemos edo Ciudadanosen artean hautua egiteko presa sartu dio Sanchezi, biekin agintzea ezinezkoa eta gobernu "egonkorra" edukitzeko aukera bakarra "koalizioa" delakoan.
"Pedrori esan diot lehenbailehen erabaki dezala", berretsi du Iglesiasek, sozialistekin "pazientzia" izaten ari direla azpimarratu aurretik.
Podemosen buruak esan du errespetatzen duela PSOE nahi duenarekin biltzea, baina bere babesa izateko Gobernu "aurrerakoia" osatu behar duela, Ciudadanosekin ituna egitea PPrekin egitearen oso antzekoa delakoan.
Sanchezek Podemosen alde egiten duen unean jarriko omen du Iglesiasek alderdiaren negoziazio taldea martxan, "konfiantza eremuak ehuntzeko".
Ez du abstentzioa emango
Iglesiasek argitu du "inola ere ez" duela aurreikusten abstentzioa ematea Pedro Sanchez sozialista presidente izateko, Gobernu "egonkor" bakarra koalizio batetik etorriko delakoan.
Gainera, ziur esan du EAJk, DiLk eta ERCk babesa emango lioketela koalizio "aurrerakoiari", ez luketeelako "PPk gobernatzea nahi".
Inbestidura lehenbailehen
Podemosen buruak esan du ez dela inora joango PPrekin, baina bat egiten duela 'popularrekin' inbestidura saioa lehenbailehen egiteko eskaerarekin.
Podemosen ordezkariaren arabera, ez da epea luzatu behar, "espainiarrek ez dezaten denbora gehiagoz pairatu Rajoy presidente karguan".
PPk formalki eskatu du inbestidura 22rako
Rafael Hernando PPk Kongresuan duen bozeramaileak iragarri du formalki eskatu dutela inbestidura otsailaren 22an egitea. Hala, idatzi bat aurkeztu diote Patxi Lopez Kongresuko presidenteari inbestidura saioa 17 egun barru izan dadin.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".