Txontxongiloen antzezlanagatik Kultura zinegotzia salatu du PPk
Celia Meyer Madrilgo Udaleko Kultura zinegotziaren aurkako salaketa aurkeztu du gaur Madrilgo PPk, "terrorismoa goraipamenean laguntzeagatik eta adingabeak ez babesteagatik", Inauterietako jaiak direla eta, Udalak programatutako txontxongilo-antzezlan baten harian.
Iñigo Henriquez de Luna Madrilgo Udaleko PPko bozeramaileak salaketa aurkeztu du Castilla Plazako Guardiako Epaitegietan. Horrekin batera, Mayerren dimisioa eskatu du. "Mayer bezalako Kultura zinegotzirik ez dugu madrildarrok merezi, eta alkateak kargutik kentzen ez badu, auzitegiek egitea espero dugu", azpimarratu du.
PPren iritzian, "txontxongiloen obra ezagutzen ez zuela ezin du Mayerrek aitzakitzat erabili", konpainiaren webgunean informazioa agertzen baita, eta aurretik obra bera antzeztu izan zutelako.
Gertatutakoa adierazpen askatasunaren barnean uler daitekeela diotenak kritikatu ditu buruzagi popularrak. "Ez du loturarik adierazpen askatasunarekin. Delituak dira, eta horien aurka jo behar dugu", nabarmendu du Henriquez de Lunak.
Ada Colauren babesa
Ada Colau Bartzelonako alkatearen esanetan, berriz, obra "ez da haurrentzako egokia", areago, "gustu txarrekoa izan daiteke", baina ez du "deliturik" ikusten. Hori dela eta, titiriteroak aske uzteko eskatu du.
Twitter eta Facebook bidez zabaldutako mezuan, Colauk gaineratu duenez, "hutsegite bat ez da delitu bat. Satira ez da delitua. Demokrazia osasuntsu batean, zuzenbide estatu batean, adierazpen askatasuna babestu behar da, gustuko ez duguna ere, min egiten diguna ere".
Bestalde, espetxera bidalitako titiriteroen lagunek horien aldeko sinadurak biltzen hasi dira, eta antzezlanaren esanahia desitxuratu dutela salatu dute.
Terrorismoa goratzea leporatzen diete
Ismael Moreno Auzitegi Nazionaleko epaileak behin-behineko espetxeratzea agindu zuen larunbat honetan, terrorismoa goratzea egotzita, ostiralean Madrilen atxilotutako bi titiriteroentzat (Raul Garcia Perez, 34 urtekoa, eta Alfonso Lazaro de la Torre, 29 urtekoa)
Fiskaltzak egindako eskaria berretsi zuen magistratuak. Epaileak terrorismoa goratzea eta Konstituzionak bermatutako oinarrizko eskubideak eta askatasunak baliatuta delitua egitea leporatzen die.
Zure interesekoa izan daiteke
Estebanek uste du hauteskunde orokorrak izango direla Espainian 2026an
La Sextan egindako elkarrizketa batean, EAJko presidenteak esan du Espainiako hauteskunde orokorrak aurreratu egingo direla. 2026an egingo direla iragarri du; bere hitzetan, Espainiako legegintzaldiak ezin baitio gehiago eutsi. EAJren buruak azpimarratu du Pedro Sanchezek ezin duela "bere burua ostruka baten antzera ezkutatu, ezta VOXen atzean ere".
Extremadurako bozek hauteskunde ziklo berri bat abiatuko dute gaur Espainiako Estatuan
09:00etan zabaldu dituzte hauteslekuak. 890.985 herritarrek dute botoa emateko eskubidea: 556.424k Badajozen eta 334.561ek Caceresen. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa jasoko du. Voxek eta Unidasek, aldiz, gora egingo dute, inkestek iragarritakoa betez gero.
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".