'Urdaingarini eztabaidarik gabe ordaintzeko agintzen zuen Matasek'
Jaume Matas Balearretako presidente ohiak Iñaki Urdangarin kontratatzeko agindua eman zuela eta zerbitzu horrengatik Noos institutuak Gobernu autonomikoarengandik jasotako 2,5 milioi euroak zalantzan jartzea galarazi zuela adierazi du gaur Jose Luis Ballester Balearretako Kirol zuzendari eta arraunlari olinpiko ohiak epailearen aurrean.
Palman, Noos auziaren epaiketako bigarren saioan, Ballesterrek azaldu du berak jarri zituela harremanetan Urdangarin eta Matas, Balearretako Exekutiboa Banesto txirrindularitza taldearen (gerora Illes Balears izena hartu zuen) babesle izatea proposatu ziezaion.
Kontratua Marivent Jauregian egindako bilera batean adostu zuten, padel partida bat jokatu ostean. Batzar hartan turismoari eta kirolari lotutako foro bat antolatzeko aukera eskaini zion Urdangarinek Matasi.
Cristina infantaren senarrak berarekin zuen adiskidetasuna Balearretako Gobernuarekin kontratuak lortzeko "erabili" zuela salatu du Ballesterrek.
2003tik 2007ra Balearretako Kirol zuzendari izan zenak azaldu duenez, Jaume Matas orduko presidenteak eztabaidarik gabe Urdangarinek eskatzen zituen aurrekontuak ordaintzeko agindua eman zuen.
"Ez zen prezioa zalantzan jartzen" eta "ez zegoen eztabaidarik", erantzun die behin eta berriz Ballesterrek Pedro Horrach Ustelkeriaren Aurkako fiskalaren galderei, Matasen Gobernuak Noosekin lotu zituen 2,5 milioi euroko kontratuen harira.
Bestalde, Samantha Romero epailea da epaimahaiaren presidentea, eta epaiketa hasi eta berehala Miguel Tejeiro Noos Institutuaren idazkaria absolbitu du, Manos Limpiasek haren kontrako salaketa kendu ostean.
Infanta akusatuen eserlekuan
Palmako Auzitegiak 09:13an ekin dio berriro Noos auziaren epaiketari, eta Cristina Espainiako infanta akusatuen aulkian eseri da berriro, Iñaki Urdangarin senarrarekin batera zerga delituak egitea leporatuta.
Epaiketa urtarrilaren 11n hasi zen, eta baina gaur deklaratu dute lehenengoz akusatuek, Jose Luis 'Pepote' Ballester Balearretako Kirol arduradun eta hasita.
Cristina Espainiako infantaren defentsak aurkeztutako hasierako protesta atzera bota zuen epaileak. Manos Limpiasek zerga iruzurra leporatzen dio, 2007ko eta 2008ko errenta aitorpenetan senarrari zerga delituak egiten laguntzeko iruzur egiteagatik.
Palmako Auzitegiak ez zion 'Botin doktrina' deiturikoa ezarri nahi izan infantari, Noos auziak baldintzak betetzen ez dituelakoan, eta Manos Limpiasek herri akusazio gisa aritzeko zilegitasuna duela babestu zuen. Izan ere, epaileek autoan jasotakoaren arabera, infantari egozten dizkioten Ogasunaren aurkako delituak ondasun kolektiboari egiten diote kalte, eta, beraz, Zerga Agentzia ez da "kaltetu bakarra".
Manos Limpiasek 8 urteko kartzela-zigorra eta bi milioi euroko kalte-ordaina eskatzen du infantarentzat. Urdangarinentzat, berriz, 19 urte eta erdiko zigorra eskatzen du Ustelkeriaren aurkako Fiskaltzak, eta 26 urte eta erdikoa, Manos Limpiasek.
Urdangarinek eta Diego Torres horren bazkide ohiak diru publikoa jasotzeko egindako ustezko sarearen baitan kokatzen da ikerketa guztia.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.