Horrelakoa izango da Pedro Sanchezen inbestidura saioa
Asteartea
16:30. Pedro Sanchezen agerraldiarekin hasiko da inbestidura saioa. Legegintzaldi berrirako programa aurkeztu du eta nahi adina denbora izango du bere azalpenak emateko.
Sanchezek agerraldia amaitzean, lehendabiziko saioa bukatutzat emango dute.
Asteazkena
09:00. Asteazken goizean talde parlamentarioen txanda izango da. Talde handienetik txikienera egingo dituzte agerraldiak, gehienez 30 minutuz.
Goizeko saioaren ostean, atsedenaldi txiki bat egingo dute, arratsaldean jarraitzeko. Azken hitzartzea Talde sozialistako bozeramaileak egingo du.
Pedro Sanchezek nahi beste eskatu ahalko du hitza. Taldeei erantzuteko bi aukera izango ditu: banan-banan erantzutea edo agerraldiak amaitu arte itxarotea eta guztiei batera erantzutea. Taldeetako bozeramaileek Sanchezi erantzuteko beste 10 minutu izango dituzte.
21:00. Inbestidura saioko lehendabiziko bozketa agerraldi horiek guztiak bukatu ostean egingo dute, Patxi Lopezen kalkuluen arabera, 21:00ak aldera.
Ostirala
19:30. Espero bezala, Sanchezek gehiengo absolutuaren (176 boto) babesa lortzen ez badu, Kongresuko diputatuak berriro elkartuko dira ostiralean, lehendabiziko bozketa burutu zen ordua baino ordu bat eta erdi lehenago.
Bigarren bozketa egin aurretik, PSOEren presidentegaiak 10 minutuko agerraldia egingo du eta taldeetako bozeramaileak bost minutuz hitzegiteko aukera izango dute.
Bigarren bozketan gehiengo sinplearen babesa ez badu, aipatu prozesua hautagai ezberdinekin errepikatuko litzateke.
Bi hilabetetan Sanchezek edo beste hautagairen batek Espainiako Gobernuko presidente aukeratzea lortu ezean, ekainaren 26an hauteskundeak deituko lituzkete.
Zure interesekoa izan daiteke
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela Junqueras, Sanchez eta Turullen eskubide politikoak urratu
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Eskuk
Plataformak gogorazi du gaur 92 urte bete direla autonomia estatutuari buruzko erreferendumetik, eta duela zortzi urte, Getxon, Gure Eskuk herri-galdeketa sustatu zuela.
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.
Lehendakariak erantzun dio Bengoetxeari: "Lehendabizi, Perez Iglesias sailburuarekin biltzea da egokiena"
Bere aldetik, Zientzia, Unibertsitate eta Berrikuntzako sailburua minduta agertu da, EHUko errektoreak lehendakariarekin bilera eskatu duelako, sailburua aintzat hartu gabe. "Ez da lagunak egiteko modurik onena", esan du.