Ciudadanos-PSOE akordioa babestu dute militante sozialistek
Pedro Sanchez PSOEko buruak Ciudadanos alderdiarekin lotutako akordioari oniritzia eman dio PSOEren militanteen % 79 inguruk (bozen % 98 zenbatuta). Ferrazek antolatutako gaurko galdeketan, militanteen % 50 baino gehiagok parte hartu du.
Iturri horien arabera, 90.000 afiliatutik gora parte hartu du bozketan. Bozketa atzo hasi zen Internet bidez, eta gaur jarraitu du sozialisten elkarteetan egin diren galdeketetan. Horietako lautik hiruk "baietz" erantzun diote alderdiko buruak gobernu "progresista eta erreformista" osatzeko asmoz sinatu dituen akordioei buruz galdetzen zuen galdera bakarrari
Ferrazen diotenez, sozialisten zuzendaritza "pozik" dago izandako emaitzarekin, era "nabarmenean" babestu baitu Albert Riveraren alderdiarekin adostutako ituna. Parte-hartzarekin ere pozik daude, bi egun besterik ez baitituzte izan kanpaina egiteko, hitzarmena, asteazkenean sinatu zelako.
Guztira 189.167 militante zeuden deituta galdetegian esku hartzera. Horietako 13.697k Internet bidez egitea eskatu zuten, eta gainerakoek elkarte sozialistek estatu guztian zehar antolatu dituzten 3.000 botazio guneetan bozkatu ahal izan dute.
Idazkari nagusiak goizean goiz bozkatu du, eta "erabateko baiezkoa jasotzea" espero duela azaldu du, eta parte-hartzearen aldeko deia egin du.
Euskadin militanteen % 89k babestu du hitzarmena
Euskadiko militanteen gehiengoak (% 89k) baiezkoa eman dio itunari; aldiz, % 9,2ak kontrako boza eman du, PSE-EEk jakitera eman duenez.
Euskadin 4.971 afiliatu zeuden bozketan parte hartzera deituta, eta horietatik 3.487k jardun dute (% 70).
% 70).
% 70).
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.