Homsek, deklaratu ostean: 'Kereila politiko baten biktima naiz'
Berak hala eskatuta, 2014ko azaroaren 9ko kontsultagatik deklaratu du gaur Francesc Homs Presidentetzako kontseilari ohi eta Democracia i Llibertateko (DiL) diputatuak. Ordu eta laurdenez galdekatu duen Kataluniako Auzitegi Nagusiko epaileari "kereila politiko baten biktima" dela esan dio Homsek, A9ko xehetasunak Gorenari azalduko dizkiola nabarmendu badu ere.
Fiskalaren itaunei ez die erantzun Kataluniako Gobernuko bozeramailea zenak, A9aren inguruko kereila Kataluniako subiranotasun prozesua geldiarazteko Estatuaren trikimailua dela argudiatuta.
Homs 09:14an heldu da Auzitegira, egungo gobernuko kideak eta ERC eta CDC alderdietako buruzagiak lagun zituela. Zain zituen babesa ematera joandako ehun bat herritar ere.
Artur Mas presidente ohiaren eta Kataluniako Gobernuko beste kide batzuen kontra Joan Manel Abril epaileak ikertzen duen auziaren baitan deklaratu du Presidentetzako kontseilari izandakoak. Desobedientzia delitua egotzita, haren kontrako ikerketa abiatzea eskatu zion Fiskaltzak Auzitegi Gorenari.
Ikertua foruduna den kasuetan, Auzitegi Nagusian deklaratzera bere kabuz joateko aukera aurreikusten du Legeak, eta aukera horri heldu zion Homsek berak. Izatez Gorenari dagokio auzia eramatea, aurreko gobernuaren bozeramailea Democracia i Llibertateko diputatua baita gaur egun.
Gobernuak babestuta
Kataluniako Gobernuaren ordezkaritza zabalaren babespean joan da Homs deklaratzera. Han ziren, besteak beste, Carme Forcadell Kataluniako Parlamentuko presidentea, Oriol Junqueras Gobernuko presidenteordea, Neus Munte Presidentetza kontseilari eta bozeramailea, eta Raul Romeva, Santi Vila, Meritxell Borras, Meritxell Ruiz, Jordi Baiget eta Josep Rull kontseilariak. Xavier Trias Bartzelonako alkate ohia eta Omium eta ANC plataformetako ordezkariak ere izan ditu lagun Homsek.
Auzitegiaren atarian bildutako lagunei eskerrak eman ondoren, eraikin barrura sartu da Homs, Santiago Vidal ERCko senatari eta epailea ondoan zuela.
Homsi babesa eman ostean, Jordi Sanchez ANCko presidenteak Auzitegian bildutako kazetariei esan dienez, A9ko kontsultagatik abiatutako auzia "Estatu espainolak Kataluniako arazoari irtenbide demokratikoa emateko duen inpotentziaren adierazle argiena da". Sanchezen aburuz, "ekintza judizial hauek ez dute Estatuarekin dagoen arazoa konpontzen, ezta errazten ere".
errazten ere". errazten ere".Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.