Aranzadik Gogoran utzi ditu frankismoak fusilatutakoen artxiboak
Aranzadi Zientzia Elkarteak Gogora Memoriaren Euskal Institutuaren esku utzi du EAEn frankismoan edo Gerra Zibilean fusilatu zituzten pertsonei buruz 13 urtetan bildu duen dokumentazio guztia.
EAEko Artxibo Historikoaren egoitzan izan da dokumentazioa emateko ekitaldia, aipatu Institutuaren egoitza hartzen duen eraikinean. Hala, txostenak, espedienteak, artxiboa eta DVDak utzi dituzte bertan.
Jonan Fernandez Bake eta Bizikidetza idazkaria, Monica Hernando Biktimen eta Giza Eskubideen bulegoko zuzendaria eta Aintzane Ezenarro Gogoraren zuzendaria izan dira Iñigo Urkullu lehendakariarekin batera, Francisco Etxeberria auzitegi-medikuaren eskutik dokumentazioa jasotzeko.
Etxeberriak azpimarratu du EAEn euskal administrazioa izan dela, 2002tik, errepresaliatuen eta fusilatuen memoria historikoa berreskuratzeaz "kezkatu" dena, Ibarretxe lehendakariak ituna sinatu zuenetik.
Etxeberria gustura agertu da Eusko Jaurlaritzaren "ulermena" jaso duelako, eta krimena horien biktimekiko arreta ez dela falta izan uste du.
Aranzadi Elkartearen presidenteak azaldu duenez, 2003an Jaurlaritzarekin ituna sinatu zutenetik, 1.600 euskal familia baino gehiago artatu dituzte, Gerra Zibilean senideren bat galdu ondoren informazio eske joandakoak.
Dokumentazioa Gogorako langileek ordenatu eta sailkatuko dute, eta gerrako hobi komunei buruzko txostenak eta artxibo militarretatik jasotako espedienteak daude tartean.
Iñigo Urkullu lehendakariak, bestalde, esan du artxibo horrek "milaka pertsonaren memoria eta duintasuna berreskuratzen" laguntzen duela.
Izan ere, "milaka dokumentu horiek gizakiei egiten diete erreferentzia, izen-abizenak dituzten pertsonei, printzipio demokratikoen defentsan bizitza galdu zuten edo giza eskubideen urraketa larriak jasan zituzten horiei", azaldu du.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.