EAJ eta Unidos Podemos berdintuta eserleku-kopuruan hauteskundeetan
Euskal Irrati Telebistak EiTB Focus' galdeketa publikoaren bigarren atalaren emaitzak kaleratu zituen joan den astean, Gizaker inkesta-etxeak EiTBko albistegi zerbitzuetarako egindako ikerketarenak, hain zuzen.
Maiatzaren 19an, ostegunez, kaleratu zen lehen atala, ekainaren 26an egingo diren hauteskunde orokorren ingurukoa. Espainiako hauteskundeei begirako boto-asmoa kontuan hartuta, Unidos Podemos koalizio eratu berriak (Podemos eta Ezker Batua alderdien artean adostutako itunetik sortutako koalizioa) lortuko lituzke boto gehien EAEn; bigarrenak, EAJk, baino % 3,4 gehiago. Hala ere, eserleku-kopuruan berdinduta egongo lirateke koalizioa eta EAJ, biek seina ordezkari eskuratuko bailituzkete. PSE-EEk, EH Bilduk eta PPk 2na eserleku eskuratuko lituzkete.
Unidos Podemosek botoen % 28,8 jasoko lituzke EAEn; horrela, abenduko hauteskundeetan bi alderdiak batera aurkeztu izan balira eskuratuko zuketen antzeko emaitza (% 29,2) lortuko lukete. EAJk, bere aldetik, botoen % 25,4 bereganatuko lituzke, duela lau hilabete baino 0,5 puntu gehiago. EH Bildu hirugarren izango litzateke, boto-emaileen % 15,5ek (+ % 0,3) egingo bailukete koalizio abertzalearen alde. Ondoren, PSE-EE (% 13,1) geratuko litzateke; apur bat egingo luke behera, eta eserleku bat gal lezake. Jarraian, PPk botoen % 10,5 eskuratuko lituzke, puntu bat baino gehiago (% 1,2) galduta, eta azkena (botoen % 4,5) Ciudadanos litzateke, igoera txiki bat lortuta.
Bigarren atala, EAEko hauteskundeei dagokiona, maiatzaren 20an argitaratu zuen EiTB taldeak. Makroinkestaren arabera, EAJk irabaziko lituzke udazkenean egingo diren Eusko Legebiltzarrerako hauteskundeak, eta EH Bildu izango litzateke bigarren, Unidos Podemos koalizioaren gainetik, maiatzeko 'EiTB Focus' makroinkestaren arabera.
Hain zuzen, EAJk 27 legebiltzarkide lortuko lituzke (duela lau urte eskuratutako berberak); EH Bilduk, 16 (5 gutxiago); Unidos Podemosek, 15; PSE-EEk, 9 (7 gutxiago); PPk, 7 (3 gutxiago); eta Ciudadanosek, bat.
Ekonomia izan du ardatz 'EiTB Focus'en bigarren atal honetako hirugarren atalak, maiatzaren 21ean kaleratutakoak, alegia. EAEko bizi-kalitateaz galdetuta, galdetutakoek uste dute Euskadin Espainian baino hobeto bizi direla, baino Europan baino okerrago. Izan ere, inkesta erantzun dutenen % 82,4k uste dute Euskadiko bizi-kalitatea Espainiakoa baino hobea dela; baina Europakoa baino okerragoa galdetutakoen % 40,6ren arabera.
Fitxa teknikoa
Inkesta EAEn egin da, 1.200 lagunen artean (laurehun, lurralde bakoitzeko), % 95eko konfiantza-mailarekin.
Ikerketari dagokionez, 2016ko maiatzaren 11ren eta 12aren artean egindako lana izan da, telefono bidezko elkarrizketen bidez.
Ildo horretan, analisi kuantitatiboa erabili dute ikerketa egiteko, telefono bidezko elkarrizketen teknikarekin.
Inkesten % 23,4 euskaraz egin dira, eta gainerako % 76,6a gaztelaniaz. Inkestaren batez besteko iraupena 11 minutukoa izan da.
Zure interesekoa izan daiteke
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.