EAJk ezetz Rajoyri, baina unean-uneko itunak baztertu gabe
Aitor Esteban EAJk Kongresuan duen bozeramaileak Mariano Rajoy Espainiako jarduneko presidenteari aurreratu dionez, jeltzaleek "ez" bozkatuko lukete hautagai 'popularra'ren balizko inbestidura batean. Izan ere, euskal politikariak aitortu duenez, bi alderdien arteko jarrerak "oso urrun" daude. Hori gorabehera, legegintzaldian zehar unean-uneko itunak lortzeko aukera ez du baztertu Estebanek.
Buruzagi jeltzalea Rajoyrekin bilduta egon da gaur goizean Moncloa jauregian, honek inbestidurari begira abiatutako bilera sortaren barruan. Batzarraren ondoren eskainitako prentsaurrekoan, PPren gobernuak EAJrekiko zein Jaurlaritzarekiko azken lau urteotan izandako jarrera salatu du Estebanek, eta jardunean egonda ere, euskal legeen kontrako helegiteak jarri dituela gogorarazi.
Hala, jarrera hori aldatzea gustatuko litzaiokeela aitortu du EAJren bozeramaileak.
EAJk eta PPk ez dute beste hitzordurik adostu, popularrek CCrekin biltzen jarraituko badute ere. Hori bai: legegintzaldia abiatzen bada, hitz egiteko prest dagoela nabarmendu du Estebanek, zenbait arlotan akordioak lortzeko.
Bestalde, bozeramaile jeltzaleak ohartarazi du Rajoyren inbestiduraren "gakoa" PSOE dela, sozialisten botoek erabakiko baitute legegintzaldia abiatu edo ez. Horregatik, mugitzen hasteko deia egin dio Alderdi Sozialistari.
Estabek esan du ulertu egiten duela PSOEk oposizioan geratzea erabaki izana, baina "blokeoa" ez mantentzea eskatu dio.
Albiste gehiago politika
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Abalosek adierazi du zabaldu diren grabazioetan ez duela bere ahotsa ezagutzen, eta Garciak ez deklaratzeko eskubidea baliatu du
Joan den astean, Maria Chivitek zuzendutako Gobernuak akusazio partikular gisa aurkeztea eskatu zuen. Magistratuak, ordea, atzera bota du Nafarroako Gobernuak galdegindakoa, ez baitu zehaztu zer egitatek ekarriko luketen hura kaltedun izatea.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.