Sanchez: 'Gaur-gaurkoz, PSOEk 'ez' bozkatuko du Rajoyren inbestiduran'
Aurretik adierazitako asmoa berretsi du gaur Pedro Sanchez PSOEko idazkari nagusiak: Mariano Rajoyren inbestiduran kontra bozkatuko dute sozialistek. Iragarpena jarduneko presidentearekin bildu ostean egin du Sanchezek. Horren esanetan, "gaur-gaurkoz, Mariano Rajoyren inbestiduran kontra bozkatuko du PSOEk".
Hala, inbestidura ahalbidetuko duen "gehiengo parlamentarioa" bermatzen saiatzeko eskatu dio. "Bilatu dezala babesa bere balizko aliatuen artean, PSOE ez da horietako bat", zehaztu du.
Sanchezen hitzetan, Rajoyk "gehiengo parlamentarioa ez badu, PSOEk kontra bozkatuko du inbestiduran", eta gehiengo osorako 176 boto behar direnez, PPk "badu zer negoziatu", horren iritzian. Izan ere, Alderdi Popularrak 137 diputatu erdietsi zituen ekainaren 26ko hauteskunde orokorretan.
Ordu eta laurdenez egon dira bilduta bi buruzagiak, eta "adeitsu" joan da hitzordua, sozialisten idazkari nagusiak nabarmendu duenez.
Buruzagi sozialistaren esanetan, inbestidura eta gobernagarritasuna "eskutik helduta" doaz, eta "bata ezin da bestea gabe lortu". Horrenbestez, "PPk gobernu egonkorra bermatuko duen gehiengo nahikoa eskuratu behar du", esan du.
"Nahi bestetan hitz egiteko prest" dagoela esan dio Sanchezek Rajoyri, baina berretsi dio ez duela PSOEren babesa izango "koalizio handiko gobernu bat" osatzeko edota "legegintzaldirako itun bat" adosteko. "Guk ez dugu Rajoy jaunarekin ezertxo ere negoziatuko. Hitz egin, nahi duen guztia", erantsi du.
Bilera ondoko agerraldian Sanchezek nabarmendu duenez, PSOEk "duen onena emango du egoera desblokeatzeko" eta "lehenbailehen" gobernu egonkor bat erdiesteko.
Buruzagi sozialistaren aburuz, PSOEri ezin zaio "arduragabekeria" leporatu. "Duela hilabete batzuk demokraziaren erlojua martxan ipini eta hauteskundeak saihesteko ahalegina egin genuen", esan du. Horren aurrean, alderdi politikoekin "konfiantza" izateko eskatu die herritarrei, "egoera desblokeatuko duen akordioa lortzeko ahalmena" baitute.
Albiste gehiago politika
Abalosek eta Koldok Gorenean deklaratuko dute gaur, ustez obra publikoetan eskupekoak kobratzeagatik
Auzitegi Goreneko epaileak Jose Luis Abalos ministro ohia eta Koldo Garcia aholkulari ohia galdekatu ditu Garraio ministro izan zen garaian obra publikoaren ustezko esleipen irregularren auzian. Ikerketak funtzionario-eroskeria, antolakuntza kriminala eta influentzia-trafikoa delituak izan daitezkeela dio, eta kautelazko neurri berriak ekar litzakeela.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.