Jaurlaritzak helegitea jarriko du Ertzaintzaren LEParen epaiaren aurka
Eusko Jaurlaritzak kasazio helegitea aurkeztuko du Auzitegi Gorenaren aurrean Euskadiko Auzitegi Nagusiak Ertzaintzaren 25. promozioa baliogabetu ostean eta, horrenbestez, lan deialdi publikoak bere bidea egiten jarraituko du.
Estatu espainiarreko Administrazioak 250 lanpostuko lan deialdi publikoaren kontrako helegitea aurkeztu zuen eta Euskal Autonomia Erkidegoko Justizia Auzitegi Nagusiak onartu egin du orain. Horrenbestez, baliogabetu egin du Eusko Jaurlaritzak aurkeztutako lan deialdi publikoa.
Gobernu bileraren osteko prentsaurrekoan Josu Erkoreka Eusko Jaurlaritzako bozeramaileak aurreratu duenez, Eusko Jaurlaritzak helegitea aurkeztuko du Auzitegi Gorenean EAEko Justizia Auzitegi Nagusiaren epaiaren aurka. Beraz, dagoeneko martxan dagoen lan deialdi publikoa ez da geldiaraziko eta ertzain berriek beren egiaztagiriak jaso ahal izango dituzte datorren ostiraletik aurrera.
Espainiako Ordezkaritzari kritikak
Bestalde, Erkorekak Espainiako Gobernuaren jarrera deitoratu du, haren esanetan, Estatu Administrazioak aurkeztutako helegiteak "euskal autogobernuaren oinarrizko alderdietako" bati eraso egiten diolako.
“Eusko Jaurlaritza deialdia Euskadiko PPk eta berak pertsonalki Eusko Legebiltzarrean zehazten lagundu zuten markoaren barruan kudeatzen” ari dela gogorarazi dio Erkorekak Carlos Urquijo Espainiako Gobernuaren ordezkariari.
Zentzu horretan, Urquijo berehala kargutik kentzea eskatu du EAJk, “euskal autogobernuaren aurkako erasoaren arduradun nagusia” delako.
“Segurtasuna bermatu”
Lan eskaintza publikoa “segurtasuna bermatzeko” beharrezkoa dela defendatu du Erkorekak. Jaurlaritzako bozeramailearen ahotan, “bakea eta segurtasun publikoa bermatzeko orduan, EAEko administrazioen erantzukizuna zalantzatan” jartzen dute helegiteek.
“Segurtasuna bermatzeko baliabiderik ez badugu, gero kontuak eskatzea zaila da”, erantsi du Erkorekak.
EAEko Auzitegi Nagusiaren erabakiak “herritarren gutxieneko segurtasuna mantentzea” eragozten duela ohartarazi du ErnE sindikatuak. Lan eskaintza publikoa amaierara arte eramateko eskatu dio ELAk Jaurlaritzari.
Bestalde, EH Bilduren esanetan, Euskadik “bere erabakiak esparru guztietan errespetatzeko estrategia” bat behar duela “beste behin ere frogatu” du EAEko Auzitegi Nagusiaren sententziak.
Albiste gehiago politika
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.