PPri aurre egiteko gai den bakarra dela dio Podemosek
Pablo Iglesias Podemoseko idazkari nagusiak bere alderdia aldarrikatu du PPri aurre egiteko gai den alderdi bakar gisa; izan ere, bere aburuz, PSOE "noraezean, zaharkituta eta beheranzko joeran dago", eta, Mariano Rajoyren Gobernua ahalbidetuko du.
Kazetarien aurrean eta Estatuko Herritarren Kontseiluaren (batzordeen arteko zuzendaritza organo gorena) bileran egindako adierazpenetan, Podemosen buruak gaitzetsi egin du PSOEk azken asteetan emandako "ikuskizun lotsagarria".
Iglesiasen esanetan, "PSOEren barne-krisiaren azken emaitza PPren aurrean belaunikatzea izan da". Hori dela eta, adierazi du Podemos dela "oposizioan geratu den indar bakarra", eta lehenago edo geroago gobernatu egingo duela. "Gobernatzeko prestatu behar dugu", zehaztu du.
Iglesiasek onartu egin du alderdi moreko buruen artean aldeak daudela, baina Podemosen "izaeraren ezaugarria" dela "eztabaidatzea". Dena dela, Iglesiasek azpimarratu du nahiz eta iritzi desberdinak izan, Podemosen leialtasunak bere horretan dirauela.
PSOEk "Rajoy presidente bihurtuko du"
Podemos larunbat honetan egiten ari den batzarraren xede bakarra da 'egungo egoera politikoari eta sozialari buruzko hausnarketa komuna' egitea. Ohi denez, idazkari nagusiaren txosten politikoarekin ekin diote jardunaldiari, eta, bertan, Iglesiasek gogor egin du PSOEren aurka, eta alderdi horrek "Rajoy presidente bihurtuko" duela esan du.
Ildo beretik, boto-diziplina saihestu eta Rajoyren aurkako botoa eman dezatela animatu ditu diputatu sozialistak (baldin eta, azkenean, Javier Fernandezek zuzentzen duen batzorde-kudeatzaileak PPren Gobernua ahalbidetzea erabakitzen badu).
Ondorio politikoak PSOErentzat
Testuinguru horretan, PPren aurkako oposizioa egitea Podemosi dagokiola azpimarratu dute alderdiko hainbat buruk, eta PSOEren balizko ekintzak utziko lukeen egoera hizpide izan dute.
Modu horretan, Pablo Echenique erakunde arduradunak uste du PPk gidatutako gobernu baten aurrean PSOE abstenitu egingo balitz, horrek "ondorio politikoak" izan beharko lituzkeela Podemosek (bere botoekin) PSOEren gobernuak egotea ahalbidetu zituen erakundeetan.
Zure interesekoa izan daiteke
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".
Asensiok tonua apaldu eta "normaltasunaren barruan" kokatu ditu Mendozari egindako kritikak
Ayesa operazioa dela eta, buruzagi sozialistak "lidergo falta" egotzi zion Gipuzkoako diputatu nagusiari. Biharamunean, Asensiok esan du "gai zehatzetan" iritzi ezbedinak izatea "normaltasunaren barruan" dagoela.
Martxoaren 3ko sarraskia gogoan mantentzeko helburua duen "Amets berriak" abestia aurkeztu dute
Martxoaren 3an Gasteizen izandako sarraskiaren 50. urteurrena ospatzeko aste gutxi falta direnean, Martxoak 3 elkarteak "Amets berriak" abestia aurkeztu du. Letra Karmele Jaiok idatzi du eta Idoia Asurmendik interpretatu.
Hezkuntza sailburuak LHko euskal eredua goraipatu du, Sanchezek horien irekiera mugatzeko asmoa iragarri ondoren
Begoña Pedrosa Hezkuntza sailburuak Euskadiko Lanbide Heziketaren "kalitatezko eredu inklusiboa" goraipatu du, Pedro Sanchez Espainiako Gobernuko presidenteari emandako erantzunean. Horren arabera, Lanbide Heziketako ikastetxe pribatuen irekierari "mugak jartzeko" eta prestakuntzaren kalitatea "blindatzen jarraitzeko" errege-dekretua sortuko da.
Justizia Administrazioan euskara sustatzea eskatzen duen ekimena atera dute aurrera EAJk eta PSE-EEk
Administrazio publikoan euskararen eskakizuna blindatu ahal izateko legearen negoziazioan jarrerak urrunduta dituztenean, jeltzaleek eta sozialistek bat egin dute gaur Legebiltzarrean euskararekin lotutako ekimen batean.
CCOOk ELAri eta LABi eskatu die LGSri buruzko estrategia "birbideratzeko"
Unai Sordoren arabera, "gutxieneko soldata bat izan behar du, eta gero negoziazio kolektiboak lurrera jaitsi behar du baloia" lurraldeetan. CCOOko idazkari nagusiak mobilizaziorako deia egin du, hitzarmeneko gutxieneko soldatak lortzeko.
Sanchezek esan du "tekno-oligarkek ez dutela demokrazia makurraraziko"
Espainiako Gobernuko presidenteak, izenik esan gabe, Telegrameko kontseilari delegatuari erantzun dio gaur Bilbon, sare sozialen inguruko neurri berrien aurrean atzo plataformako buruak honen aurka egin ondotik.
Javier De Andresen ustez, iraungitako dosien txertaketa "ez da salbuespenezkoa" Osakidetzan
Javier de Andres EAEko PPko presidenteak adierazi duenez, bere alderdiak "zalantza asko" ditu gertatutakoaren inguruan, eta bere ustez "elementu batzuek erakusten dute ez zela noizbehinkako eta ezohiko gauza bat", baizik eta "hasieran transmititu zena baino zabalagoa dela".
Duela 31 urte ETAk hildako Gregorio Ordoñez gogoratu du Eusko Legebiltzarrak
Eusko Legebiltzarrak minutu bateko isilunearekin gogoratu du Gregorio Ordoñez legebiltzarkide eta Donostiako PPko zinegotzi izandakoa. 1995eko urtarrilaren 23an hil zuen ETAk Donostiako taberna batean.
Europako Justiziak bertan behera utzi du Puigdemonti inmunitatea erretiratzeko Europako Parlamentuak hartu zuen erabakia
Epaiak ez du eraginik izango Puigdemonten egoeran, ez zuelako Europako azken hauteskundeetan parte hartu, eta, beraz, jada ez du eserlekurik.