Sustapen eta Ingurumen ministerioekin aritzen zirela azaldu du Correak
Francisco Correa Gürtel sareko ustezko buruzagiak gaur, ostirala, azaldu duenez, Luis Barcenas PPren diruzain ohiak lortzen zituen lanen esleipenak Sustapen eta Ingurumen ministerioetan, Fransico Correak berak hala eskatuta.
Cocenpcion Sabadell fiskalak erantzun zehatzagoak emateko eskatu dio Correari, atzo azaldu baitzuen Barcenasek esleipenak lortzen zituela, % 2 eta 3 arteko komisioen truke, errepideak, autobideak, AVEren eta Dragadosen lanak egiteko.
Era berean, zehaztu egin ditu kontratuak lortzeko asmoz berarengana jotzen zuten enpresen izenak: OHL, ACS eta Dragados dira.
Atzo Correak emandako bertsioaren arabera, Gürtel sarearen eta PPren arteko harremana Jose Maria Aznar presidente ohiaren garaian garatu zen; hori dela eta, garai horretan Francisco Alvarez Cascos zen Sustapen ministroa eta Jaume Matas Ingurumen ministroa. Edonola ere, fiskalak ez dio galdetu gogoratzen ote duen zeintzuk ziren politikariak.
Alabaina, gaurko saioan, Correak esan du Francisco Alvarez Cascos PPren idazkari nagusi ohiak ez zuela organizazioak kudeatutako hauteskunde kanpainetan lortutako komisioetatik dirua jaso, hain zuzen, 2003ko eta 2004ko udal-hauteskundeetan, autonomikoetan, orokorretan eta Europako hauteskundeetan, Spinaker eta Rialgreen enpresen bidez.
Aldiz, onartu egin du etekinen erdia Luis Barcenas PPren diruzain ohiaren, Gerardo Galeote, Jesus Sepulveda Pozueloko alkate ohi eta Ana Mato Osasun ministroa izan zenaren senar ohia (Mariano Rajoyren garaian) eta Jesus Merino Segovian hautatutako diputatuaren artean banatu zuela.
Horrela, ukatu egin du dirua jasotzen zuen seigarren pertsona, kontabilitatearen agirietan P.A.C. siglekin agertzen dena, Alvarez Cascos izatea. "Ez da Paco Cascos", esan du irmoki eta, erantsi duenez, baliteke bera izatea eta zati hori Pablo Crespori ematea.
Correaren hitzetan, dirua bosten artean banatu zuen kanpaina oso gogorra izan zelako eta egindako lana eskertu nahi izan zielako. "Asko lagundu zidaten".
/p>
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".