PPren Genovako egoitzan kontrolik pasatu gabe sartzen zela dio Correak
Alderdi Popularreko batzordearen kideek bezala, PPren egoitza nagusian sartzeko (Madrilgo Genova kalean) “txartel berezi bat” zuela ziurtatu du astelehen honetan Francisco Correa Gürtel sareko uztezko buruzagiak. Txartel horri esker, sarbideko kontrola saihesten zuen Correak, “aparkalekutik” zuzenean sartzen baitzen.
Gainera, PPko diruzain ohiari buruz epailearen aurrean esan duen guztia egia dela ziurtatu du. Ildo horretatik, egoitza nagusira dirua eramateaz gain bere etxera ere eramaten zuela esan du.
Correaren deklarazioa
Francisco Correa Gürtel sareko ustezko buruzagiak azkenean uko egin dio herri akusazioaren galderei eta gainerako akusatuen defentsako abokatuen galderei erantzuteari, Juan Carlos Navarro bere abokatuaren aholkuei jarraituz. Ostiralean Correak iragarri zuen herri akusazioa osatzen duten eragileen artean bati bakarrik erantzungo ziola, Valentziako PSOEren ordezkariari, hain zuzen.
Horrenbestez, gainerako akusatuen defentsako abokatuak Correari galderak egiten hasi dira. Dena dela, Correak jada adierazi du ez duela horiek egindako galdera bakar bat ere erantzungo.
Pablo Crespo Gürtel sareko ustezko bigarrenaren abokatuak, Luis de Miguel Gürtel sareko finantzen arduradunarenak eta Isabel Felisa Jordanenak egin dituzte dagoeneko galderak.
Hala ere, Francisco Correak bere abokatuaren galderei erantzungo die.
Ikusmin handia zegoen Correaren gaurko deklarazioa entzuteko; izan ere, Valentziako PSOEren abokatuari erantzungo ziola iragarri zuen. Asteburuan, ordea, bere erabakia aldatu du Correak, bere abokatuaren aholkua kontuan hartuta.
Barcenasek PPko 3 ministro ohik eta 2 enpresaburuk lekuko gisa deklaratzea eskatu du
Luis Barcenas PPko diruzain ohiaren abokatuak PPko hiru ministro ohi (Jaume Matas, Elvira Rodriguez eta Rafael Arias Salgado) eta Florentino Perez eta Juan Miguel Villar Mir, ACS eta OHLko buruak, lekuko gisa deklaratzera deitzea eskatu du.
Francisco Maroto abokatuak Jose Maria Aznarren garaian Espainiako Ingurumen eta Sustapen ministro izan zirenek lekukotza ematea eskatu du. Correak aurreko asteko deklarazioan adierazi zuen Barcenasek Sustapen Ministerioarekin eta Ingurumen Ministerioarekin kudeatzen zituela PPren esleipenak.
esleipenak.Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".