Lehendakarigaiak aurkeztu dituzte EAJk eta EH Bilduk
EAJk eta EH Bilduk azaroaren 23an eta 24an izango den inbestidura saiorako lehendakarigaiak aurkeztu dituzte gaur, ostiralez. Jeltzaleek Iñigo Urkulluren hautagaitza aurkeztu dute, eta koalizio abertzaleak Maddalen Iriarterena.
Ostiral honetan bukatzen zen hautagaitzak aurkezteko epea, eta biek azkenera arte itxaron dute.
EH Bilduren izenean, Miren Larrion eta Jasone Agirre legebiltzarkideak joan dira Gasteizko erregistrora Maddalen Iriarte alderdikidearen hautagaitza aurkeztera. Ordu laurden geroago, Joseba Egibar EAJren bozeramaileak beste hainbeste egin du Iñigo Urkulluren hautagaitzarekin.
EAJ, PSE-EErekin lor dezakeen itunaz
Urkulluren hautagaitza erregistratu ostean kazetarien aurrean egindako adierazpenetan, sozialistekin gobernagarritasun ituna lortzeko itxaropentsu agertu da Joseba Egibar jeltzaleen bozeramailea. Astelehenerako, edo asko jota, astearterako akordioa izatea espero du EAJk, azken bileretan bi alderdiek lortu dituzten "aurrerapenak" ikusita.
Egibarren hitzetan, negoziazioak oso "aurreratuta" daude, eta "emaitza datorren astean ikusiko dugu". Bozeramaile jeltzaleak gogorarazi duenez, elkarrizketek "astelehena edo asteartea" dute "epemuga".
Egibar, Urkulluren hautagaitza aurkezteko unean. EFE
Erdietsi beharreko itunaren formula ez du argitu Egibarrek, baina bi indarrek autonomia mantentzeko izango duten aukerari buruz galdetuta. honakoa esan du: "Bakoitzaren bidaia orria eta jarrerak errespetatu beharrekoak dira, baina gobernu ekintzak bat eta bakarra behar du izan".
Bozeramaile jeltzaleak aitortu duenez, Euskadirako estatus politiko berria da bi alderdien arteko gai arantzatsuena. "Baina astelehenera arte, badugu denbora (akordioa ixteko)", erantsi du.
EAJren eta PSE-EEren "paralisia"ren aurrean, Iriarteren hautagaitza
EH Bilduk Maddalen Iriarte aurkeztu du lehendakarigai EAJren eta PSE-EEren arteko balizko itun batek ekarriko lukeen "paralisiaren alternatiba" gisa. Miren Larrion koalizio abertzalearen legebiltzarkideak komunikabideei azaldu duenez, Lehendakaritzarako hautagaitza aurkezteagatik ez diote EAJrekin akordioak erdiesteko "borondateari muzin egiten", batez ere bizikidetzaren, autogobernuaren eta arlo sozioekonomikoaren inguruan.
Larrionek eta Agirrek aurkeztu dute Iriarteren hautagaitza. EFE
Elkarrekin Podemos hizpide hartuta, "akordio aukeretatik kanpo geratu izana" deitoratu du Larrionek. Nagua Albak zuzendutako koalizioari hauteskunde kanpainan defendatutakoarekin "koherente" izateko eta Euskadirentzat "alternatiba" izateko nahiari eusteko eskatu dio.
Larrionen berbetan, "agian ganberan berriak direlako edo, ez dakite gobernuaren alternatiba gisa aurkeztea eta gobernua osatzea posible ez denean besteekin akordioak erdiestea bateragarriak direla".
EH Bilduk uste du Iriarte lehendakarigai aurkeztuta, datozen lau urteetan "egin beharko litzatekeena" geratuko da agerian. Horrez gain, euren ustez EAJren eta PSE-EEren arteko gobernu batek ekarriko lukeen "paralisia"ri aurre egiteko modu bat ere bada hautagaia aurkeztea.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.