Brouarden eta Muguruzaren senideak: 'Biktima guztiak entzun ditzatela'
HBko buru zirela GAL erakundeak erail zituen Santi Brouardi eta Josu Muguruzari lore-eskaintzak egin dizkiete igande honetan gertakari horiek 32. eta 27. urteurrena bete den egunean. Omenaldiak Bilboko Amezola plazan eta Errekaldeko plazan izan dira, eta bertan egon dira EH Bildu osatzen duten koalizioko hainbat ordezkari, besteak beste, Iker Casanova, Jone Goirizelaia eta Julen Arzuaga legebiltzarkideak. Bertan izan dira ere Iñigo Cabacasen gurasoak.
Amezolan egindako ekitaldian, Ane Muguruza Josu Muguruzaren alabak hartu du hitza, eta familia bien izenean goraipatu egin du batak zein besteak izan zuten "karisma" eta "urteetako gatazkari konponbide justua eta demokratikoa emateko egindako ekarpena". Horrez gain, Brouard eta Muguruzaren senitartekoek "haien erailketen inguruan egia eskatzen jarraituko" dutela azpimarratu du.
Adierazi duenez, justizia eta erantzukizunak eskatzen jarraituko dizkiete gertatutakoaren "ideologo, sustatzaile politiko eta euren isiltasunarekin konplize izan zirenei". "Egia ezagutzen dugun eskubidea guztientzat izan dadila", gaineratu du.
"Kontakizunaren gaineko ofentsiba"
Bestalde, azken hilabeteetan "kontakizunaren gaineko ofentsiba" ematen ari dela salatu du; izan ere, "inposatzeaz gain, gertatukoari buruz dugun ikuspuntua eman ez dezagun saiatzen ari dira, "bertsio ofiziala eta kontakizun bakarra inposa daitezen".
"Espainiako Estatua ez dago immobilismoan sartuta, konponbide demokratikoari dagokionez. Bere makineria jarri du martxan, giza-eskubideetan eta justizian oinarritutako bake egoera bat lortze aldera euskal gizarteak jarrita dituen esperantza eta desioen aurka jotzeko", salatu du.
Bere mintzaldian, ETAko presoei ezartzen zaien "sakabanaketa politika" ere kritikatu du, eta "euskal gizartearen giza emaria" aprobetxatzearen alde azaldu da. Horrez gain, eskari bat egin die erakundeei: "Herritarren ordezkariei, erakundeei, eskatzen diegu biktimei entzuteko, guztiei, bai gatazkaren ondorioak jasan ditugunoi, bai jasaten jarraitzen dutenei", zehaztu du.
Azkenik, "giza eskubideak betetzeko konpromisoa ardatz izanik, egia bilatzeko prozesu osoa" martxan jartzearen aldeko iritzia agertu du.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.