Iñigo Urkullu aukeratu dute berriz lehendakari
Ezusterik ez da izan. Iñigo Urkullu aukeratu dute ostegun honetan XI. legealdiko lehendakari, Eusko Legebiltzarraren gehiengo soilaren babesarekin. Hautagai jeltzaleak 37 aldeko boto jaso ditu: alderdikideen 28ak eta sozialisten 9ak.
Inbestiduraren bigarren saio honetan boto gehien jasotzen dituen hautagaia izendatzen dute lehendakari. Urkullu gehiengo osotik boto bakarrera geratu da, sozialistekin adostutako gobernu-akordioak babesa bermatzen baitio. Maddalen Iriarte EH Bilduko hautagaiak koalizioko 18 legebiltzarkideen aldeko botoa jaso du.
Atzoko bozketan emaitza berdintsua jaso zuten bi hautagaiek, baina lehen saioan gehiengo osoa behar dute hautagaiek, eta ez Urkulluk ez Iriartek ez zuten babes nahikorik lortu.
Gaurkoan, Elkarrekin Podemos (11 eserleku) eta Euskal Talde Popularra (9 eserleku) abstenitu egin dira. Legebiltzarreko araudiak bi aukera baino ez ditu ematen: hautagai bat babestea edo abstenitzea. Eusko Legebiltzarrean, beraz, ezinezkoa da hautagai baten kontrako botoa ematea.
Elkarrizketa eta akordioa
Aukeratu berritan emandako hitzaldi laburrean, inbestiduraren lehen saioan esandakoak berretsi ditu Urkulluk: "Elkarrizketa eta akordioa ezinbestekoak dira. Denon ekarpena behar dugu dugu herri hau aurrera ateratzeko".
Urkulluren hitzetan, "ez dago ohore handiagorik lehendakari izatea baino", eta kargua "apal-apalik" hartu duela nabarmendu du, "Euskadi anitza" dela jakitun.
Lehendakariak azaldu duenez, "programa zehatz eta sendo bat dugu, eta badakigu indar guztiak behar ditugula betetzeko".
Eskerrak emanez ekin dio hitzaldiari: herri osoari, Legebiltzarrari, EAJri, PSE-EEri, Jaurlaritzari eta familiari. Amaitu, berriz, Ruper Ordorikaren kanta baten letra aipatuz egin du: "Zaindu dezagun maite dugun hori".
Karguaren zina, larunbatean
Lehendakari izendatuta, jakinarazpena bidali dio Bakartxo Tejeria Legebiltzarreko presidenteak Felipe VI. a erregeari, Ganberako iturriek baieztatu dutenez.
Ostiralean Euskal Herriko Agintaritzaren Aldizkarian kaleratuko dute izendapena, eta biharamunean, karguaren zina egingo du Urkulluk Gernikako batzar-etxean.
Aurreikuspenen arabera, gaur eta bihar artean jakinaraziko ditu Jaurlaritza osatuko duten sailburuak nortzuk diren.
Albiste gehiago politika
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.
Puigdemont, itzuli eta berriro ihes egin eta urtebetera: "Giltzapetuta eta gaitasungabetuta nahi banaute, nire betebeharra kontrakoa egitea da"
Generalitateko presidente ohia 2024ko abuztuaren 8an itzuli zen Kataluniara, hitzaldi labur baten ostean berriro ihes egiteko. Ordutik urtebete pasatu den honetan, bere hausnarketa argitaratu du sare sozialetan.
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.