Forcadellek ez du gaitasungabetzea aurreikusten eta zentsura salatu du
Carme Forcadell Kataluniako Parlamentuko presidenteak ez du aurreikusten Kataluniako Justizia Auzitegi Nagusiak bera gaitasungabetzeko zigorra ezartzea, "demokraziaren aurkako horrelako eraso bat pentsaezina delako", horren aburuz. Gainera, Parlamentuko eztabaidak zentsuratzen saiatzeko botere judiziala erabiltzea egotzi dio Estatu espainiarrari.
Goizean Kataluniako Justizia Auzitegi Nagusian deklaratu ostean, Forcadellek adierazpen instituzionala egin du Kataluniako Parlamentuan. Horren hitzetan, estatu demokratiko batean pentsaezina da Parlamentuko Batzorde Konstituziogileak idatzitako txosten bat eztabaidatu eta bozkatzeagatik epaile baten aurrean deklaratu behar izatea.
Espainian botere banaketa urratzen dela nabarmendu ostean, oraingoan Estatuak pauso bat aurrera eman duela eta Parlamentuan zertaz hitz egin daitekeen agintzeaz gain, Parlamentuak autozentsura aplikatzea nahi duela salatu du.
Espainiako Gobernuak Forcadelli: "Justiziaren aurrean erantzun eta bere erabakia errespetatu behar du"
Ministro Kontseiluaren osteko prentsaurrekoan Iñigo Mendez de Vigo Espainiako Gobernuko bozeramaileak adierazi duenez, Carme Forcadellek "justiziaren aurrean erantzun behar du eta beste edozein pertsonak bezala erabaki judizialak errespetatu behar ditu". Gaineratu duenez, justizia independentea da eta ez die presioei eta manifestazioei men egiten.
"Espainiako justizia ez dela independentea edota presioen aurrean men egiten duela iradokitzea faltsua izateaz gain, beren lana egiten duten epaileentzat bidegabea da", adierazi du Mendez de Vigok Ministro Kontseiluaren osteko prentsaurrekoan.
Zure interesekoa izan daiteke
Muskizko EAJk alkatearen kontakizun "partziala eta lerratua" salatu du, bentzeno isuriaren egunean
Jeltzaleen arabera, lehendabiziko orduetan "tentsio eta nahasmen uneak" izan ziren, "osasun-agintarien informazio eguneratuaren zain zeuden bitartean".
Eusko Legebiltzarreko talde gehienek bat egin dute euskararen doako irakaskuntza lortzeko bidean
Talde gehienek, PPk eta Voxek izan ezik, euskararen doako irakaskuntza apurka aurrera egitearen alde egin dute. Halere, EH Bildu, EAJ eta PSE ez datoz bat egutegiari dagokionez, eta sektore pribatuan ikaskuntza nola bultzatu behar den ere ez datoz bat.
Pradalesek hamar neurri proposatu dizkio Sanchezi, gerrak enpresetan eta etxeetan eragingo duen kaltea arintzeko
Lehendakariak elektrizitatearen BEZa % 5era jaistea, elektrizitatea sortzeko zerga kentzea eta enpresek ordaintzen dituzten garraioko bidesariak murriztea proposatu du, besteak beste. Iragarri du, gainera, Eusko Jaurlaritzak neurri propioen lehen sorta onartuko duela laster.
Denis Itxaso: "Eneko Goiarekin burua altxatu genuen; orain, zain gaude"
Eusko Jaurlaritzako Etxebizitza eta Hiri Agenda sailburuak Radio Euskadin esan duenez, "udala operazioetako batzuei buruz hausnartzen ari da". Denis Itxasok adierazi du "epeak arindu" behar direla, Donostian ezin delako "gehiago itxaron".
Bi gizon atxilotu dituzte Ione Belarrari mehatxu mezuak bidali eta ziberjazarpena egiteagatik
Ikerketako iturrien arabera, atxilotuetako batek 300 mezu baino gehiago bidali dizkio Instagram bidez Podemosen idazkari nagusiari, mehatxuak eginez eta irainduz.
Euskara profilen aurkako “estrategia antolatua” eta "praktika sasimafiosoak" arbuiatu ditu Otxandianok
EH Bilduk Eusko Legebiltzarrean duen bozeramaile Peio Otxandianok dio euskararen hizkuntza eskakizunen aurkako errekurtso judizialen jarioaren atzean “antolatutako bultzada bat” dagoela. Erabaki judizial horien argitan, EAJri eta PSE-EEri eskatu die Enplegu Publikoaren Legearen erreforma bat negoziatzera eser daitezela, sistema blindatzeko, eta, salatu duenez, bi alderdiek uko egin diote erreforma hori egiteari.
Albiste izango dira: Industria Defendatzeko Taldearen bilera, martxoaren 11ko atentatuen urteurrena eta aurreakordioa EAEko eskola publikoetako jantokietan
Gaurkoan Orain-en albiste izango direnen laburpena, bi hitzetan.
Konstituzioko laugarren xedapena indargabetzea eskatu du UPNk, "independentismoa hazten ari baita une honetan"
Cristina Ibarrolak adierazi du UPNren aspaldiko nahia dela xedapen hori indargabetzea, Konstituzioa erreformatuta, eta orain egiteko premiaren arrazoien artean "euskal independentismoa" izaten ari den bilakaera aipatu du.
Ikasle-mugimenduaren aurkako kriminalizazio kanpaina salatu du EHUko ikasle talde batek
Gasteizko EHUko Letren fakultate atarian egindako agerraldian, ikasle talde batek Voxen agerraldiari eta Martxoaren 3ari lotuta ikasle-mugimenduak jasandako kriminalizazioa gaitzetsi dute. Ikasle hauek "EAJ eta eskuineko hainbat komunikabide" jo dituzte kanpaina horren erantzule.
Espainiako Gobernua "erantzun integrala" prestatzen ari da Ekialde Hurbileko gerraren ondorio ekonomikoak arintzeko
Familiak, enpresak eta autonomoak babesteko eta trantsizio energetikoa bizkortzeko neurriak hartuko ditu, eta ez da baztertzen beherapen fiskalak egitea.