Joan Coma CUPeko zinegotzia aske geratu da
Vicente Gonzalez Mota Auzitegi Nazionaleko fiskalak Joan Coma Vic udalerriko (Bartzelona) CUPeko zinegotziari pasaportea kentzea eskatu du. Coma Ismael Moreno epailearen zitazioari ez erantzuteagatik atxilotu zuten, Udalbatzarrean sediziora bultzatzea egotzita, eta, auzitegitik irtendakoan, Kataluniari autodeterminazioa aitortu arte "desobedientziaren logika" aplikatzen jarraituko duela esan du.
Abokatuak, Benet Salellas CUPeko diputatuak, jakitera eman duenez, Comak deklarazioan esan du ez duela auzitegi bat bera ere ezagutzen zapaldutako “herrien eskubide politikoak errespetatzen ez dituena”, haren ustez, kausa honetan.
Hori izan da zinegotziak emandako azalpena, urriaren 24an Ismal Morenoren aurrean ez agertzeko arrazoiengatik Ministerio Publikoak galdetu dionean.
Ministerio Publikoaren eskaeraren ostean Coma aske geratu da, haren kontrako epaiketa iritsi bitartean. Magistratuak sediziora bultzatzearen delitua leporatzen dio udaleko osoko bilkura batean egindako hitzaldiagatik, Espainiako auzitegiei ez obeditzea apelatu zuen, Parlamentuaren proklamazioaren babes-mozio batean. Tortila bat egiteko arrautzak haustea beharrezkoa dela ohartarazi zuen.
Fiskala desobedientzia zibilean eta esaldi horren esanahian zentratu da. “Fiskalak ea tortila hitzak zer esan nahi zuen galdetu dio, tortila Estatua ala legeak diren, eta zer den arrautzak puskatzea, indarkeria erabiltzea edota haustura estrategia”, azaldu du Salellasek.
Aldaketa sozialerako eta demokratikorako desobedientzia zibila tresna baliagarria dela adierazi du Comak, eta horren erabilgarritasuna eta iraunaldia aldarrikatu ditu.
Albiste gehiago politika
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.
Jose Maria Angel goialdeko depresiorako komisarioak dimititu egin du, haren curriculumak sortutako polemika dela eta
Buruzagi sozialistaren esanetan, ez du inoiz dokumenturik faltsutu. Haren ohorea eta arlo publikoan egindako ibilbidea kaltetu duen "justifikaziorik gabeko erasoa" salatu du.
Cuelgamurosen zeuden Gasteizko soldadu baten gorpuzkiak eman dizkiote familiari
Memoria Demokratikorako Estatu idazkariak adierazi duenez, "Gobernuak hartutako konpromisoari eutsiko dio, biktima guztiak hobitik ateratzeko, senideek hala eskatzen badute".
Imanol Pradales: "Diaspora aktiboa behar dugu munduan aliantzak lortzeko"
Lehendakariak adierazi du Boiseko Jaialdira egin duen bidaiaren helburuetako bat "Euskadi globala" lortzeko bidean aurrera jarraitzea dela, eta azpimarratu du esparru guztietan aliantzak sortzeko diasporaren zereginaren garrantzia.