'Kantauri'k hartutako bidea jarraitzera dei egin die Sarek presoei
Joseba Azkarraga Euskal preso, iheslari eta deportatuen eskubideen aldeko sare herritarraren bozeramaleak Jose Javier Arizkuren Ruiz 'Kantauri' presoak emandako urratsa (bere kasua Estrasburgoko Giza Eskubideen Epaitegira eraman du) jarraitzea eskatu die gainerako euskal presoei, "ibilbidea izan dezakeela erakutsi dutelako, zenbait epairen arabera ikus daitekeenez, epaia positiboa izan daitekeelako".
Azkarragak Bilbon egindako prentsaurreko batean egin ditu adierazpenok, Ainhoa Azkaraterekin batera, presoen eskubideen aldeko urtarrilaren 14ko manifestazioaren xehetasunak ezagutarazteko.
Bozeramalearen esanetan, 'Kantauri'k egindakoa "ekintza itxaropentsua da ibilbidea kontuan hartuta, euskal presoen eremuan ekimen berria" delako. "Aspaldi, Errusiak eta Ukrainak epaitegi horren zigorra jaso zuten presoak haien etxeetatik oso urrunera bidaltzen zituztelako, horietako batzuk Siberiara, eta beste batzuk euskal presoak dauden distantziara".
Azkarragak nabarmendu duenaren arabera, Estrasburgoko Giza Eskubideen Auzitegiak "presoak euren etxeetatik hurbil egotera agin du zien" herrialdeei; hori dela eta, 'Kantauri'ren ekimena beste batzuek ere egiteko deia luzatu du, "zenbait epaik erakutsi baitute erabakia positiboa izan daitekeela".
Larunbateko manifestazioa
Manifestazioari dagokionez, Azkarragak gogorarazi egin du orain urtebete Sarek "Bilboko kaleak betetzea" lortu zuela , eta urtarrilaren 14ko martxari begira (17:30ean La Casillatik) aurreikuspena da "giza eskubideen eta bakearen alde kalera irteten den pertsona kopurua handitzea".
Gaineratu duenez, "datu objektiboek esaten digute hala izango dela, esaterako, kontratatutako autobus kopurua". Hala, 250 eta 275 autobus bitartean espero direla jakinarazi du, eta, "gaur gaurkoz, iaz baino % 15 gehiago da".
Zure interesekoa izan daiteke
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.