Urkullu: 'Aldebiko harremana egon behar du, ez birzentralizazioa'
Madrilen astearte honetan egin duten Presidente Autonomikoen VI. Batzarrera ez joateko arrazoiak eman ditu gaur Iñigo Urkullu lehendakariak. Haren esanetan, euskal autogobernuaren "berezitasuna" oinarri hartuta, aldebiko harremana egon behar du Euskadiren eta Estatu espainiarraren artean eta ez "birzentralizazioa", orain arte gertatu bezala.
Azaldu duenez, enpatia, elkarrizketarako gogoa eta erantzuteko gaitasuna bilatzea espero du Mariano Rajoyrekin oraindik zehaztu gabeko egun batean egingo duen bileran. Gainera, Euskal Autonomia Erkidegoko (EAE) Aurrekontuen eta Espainiako Aurrekontu Orokorren negoziazioak bereizi ditu.
Ser irrati kateari eskainitako elkarrizketan, Urkulluk azpimarratu du Presidente Autonomikoen Batzarrean ez zela "Espainiako lurralde eredua, Estatu arazoa" jorratu.
Urkulluren esanetan, ez dago Espainiako Gobernuaren eta Eusko Jaurlaritzaren arteko aldebiko harremanik, eta Mariano Rajoyri lau urtean hainbat galdekizun egin badizkio ere, ez du erantzunik jaso. "Erantzunik ez egoteaz aparte, birzentralizazio prozesu bat dago", gaineratu du.
Iñigo Urkulluk adierazi duenez, Presidente Autonomikoen Batzarrean finantzazioa eta zerga politika bezalako gaiak jorratu dituzte eta "Euskadik ez du zerikusirik gainerako autonomia erkidegoekin". Halaber, batzorde sektorialetan jorratu ohi diren gaiak eta "Estatu gaiak diruditen arren, Euskadiren eskumenak diren" beste gai batzuk mahaigaineratu zituztela esan du.
Lehendakariak ziurtatu duenez, Presidente Autonomikoen Batzarrera ez joateko erabakia ondo pentsatutakoa izan zen, eta abenduaren 16an bidalitako eskutitz batean jakinarazi zion Mariano Rajoyri. Gaineratu duenez, hamar egunera Rajoyk erantzun zion, baina ez zion egindako eskakizunei inguruko ezer esan.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.