Pagazaurtundua: 'Gorrotoaren diskurtsoari aurre egin behar zaio'
Joseba Pagazaurtundua ETAk 2003an hildako Andoaingo udaltzainburua omendu du haren familiak Andoainen. "Euskadin gorrotoaren diskurtsoak bere horretan jarraitzen duela" salatu dute, eta aurre egin behar zaiola nabarmendu, "etorkizuneko belaunaldiek hain modu toxikoan bizi behar ez izateko".
Maite Pagazaurtunduak egin ditu adierazpenok, Joseba Pagazaurtunduaren arrebak eta UPyD alderdiko europarlamentariak. Datorren asteazkenean, otsailak 8, hamalau urte beteko dira ETAk hil zuela eta omendu egin dute gaur goizean.
Agustin Ibarrolak Pagazaurtundua eta terrorismoaren biktimak oroitzeko egindako eskulturaren ondoan egin dute ekitaldia. Familiartekoez eta lagunez gain, UPyD, PP eta PSE-EE alderdietako ordezkariak izan dira.
Consuelo Ordoñez Terrorismoaren Biktimen Euskadiko Taldeko (COVITE) presidenteak, Teo Santos Ertzainen eta Terrorismoaren Biktimen Senideen Elkarteko (Aserfavite) kideak eta Fernando Savater filosofoak ere hartu dute parte ekitaldian.
Guztiek adierazi dutenez, bizikidetzaren bideari ekiteko nahitaezkoa da "gorrotoaren hitzaldia" amaitzea eta ETAren ibilbideari "zilegitasuna kentzea".
Horrez gain, Maite Pagazaurtunduak azaldu du "bizi-kalitatea asko hobetu dela" ETAk armak utziz gero. Dena den, azpimarratu du "ETAren indarkeria justifikatu zutenak hitz berdinak erabiltzen jarraitzen dutela, kontrol soziala duten tokietan".
Albiste gehiago politika
Lehendakariaren ustez, Estatukoa baino LGS "handiagoa" lortzeko moduan gaude, gizarte-eragileekin hitzartuta
Lehendakariaren ustez, adostasunerako "jarrera horretan" jarraitu behar da lanean, "oztopoak kenduz", "eragile sozialen aldetik" erresistentziak daudelako eta "gai horiek beti denbora" daramatela eta "landu egin behar direla" uste dutelako.
Pradales: “Moreno Bonillari deitu diot elkartasuna eta laguntza eskatzeko, migratzaile adingabeen % 50 autobusez iristen baitira Andaluziatik”
Lehendakariak azpimarratu du elkartasuna ardatz izanda garatu behar dela migratzaileen kudeaketa. Hala, horri buruz hitz egiteko eta lan egiteko deia egin du, pertsonak baitira eta horien giza eskubideak eta duintasuna bermatu beharra baitago.
Pradales, ertzainen eta udaltzainen aurkako erasoei buruz: "Indar politiko guztiok gaitzetsi behar ditugu, salbuespenik gabe"
Imanol Pradales lehendakariak eskatu du Ertzaintzak udan jasan dituen erasoak alderdi guztiek "aho batez, argi eta garbi" gaitzestea, "salbuespenik gabe". Gainera, ohartarazi duenez, "bizikidetzaren, tolerantziaren eta biktima guztien oroimenaren aurkako jarrerek ez dute lekurik gure herrian".
Lehendakariak bilera-sorta egingo du politika, ekonomia, aurrekontuak eta autogobernuaren garapena aztertzeko
Nazioarteko albisteek sortzen duten ezegonkortasuna kudeatzearekin batera, etorkizuneko erronketarako prestatu eta herri bezala eta ongizatean hazteko helburua jarri du Imanol Pradalesek hurrengo hilabeteetarako.
Espainia BPGaren % 2 gastu militarrera bideratzen ari da jada, NATOren arabera
Espainiako Estatuak adostutako gastu-helburua betetzen du, lehenengoz. NATOk adierazi du herrialde kide guztiek betetzen dutela 2014ko Galesko goi-bileran adostutako gastu-helburua.
Gobernu Kontseilua Miramar Jauregian bildu da
Eusko Jaurlaritzak ostegun honetan hasi du urte politiko berria Donostiako Miramar Jauregian, uda osteko lehen Gobernu Kontseiluarekin. Imanol Pradales lehendakaria buru duen bileran hurrengo hilabeteetarako erronkak eta lehentasunak finkatu dituzte.
Jaurlaritzak gaur ekin dio urte politiko berriari, egonkortasuna, akordioak eta ongizatea lehentasun dituela
Sailburuak 10:00etan bildu dira Donostiako Miramar Jauregian, oporren ondorengo lehen Gobernu Bilera egiteko. Besteak beste, AEBren arantzelek, transferentziek eta etxebizitza-politikek hartuko dute protagonismoa hurrengo hilabeteetan.
EH Bilduk eta Mes per Mallorcak bi alderdien arteko lankidetza indartuko dute
Bi alderdiak Bilbon bildu dira asteazken honetan. Besteak beste, Estatuko eta nazioarteko egungo egoera aztertu dute.
Idurre Eskisabelek adierazi du larrialdi linguistikoan gaudela
Euskadi Irratian egin dioten elkarrizketa batean, normalizazioa “egintzat” emateak hizkuntzaren erabilera indargabetu egin duela adierazi du Idurre Eskisabelek. "Jauzi kualitatiboa emateko garaia da", gaineratu du Euskalgintzaren Kontseiluaren idazkari nagusiak.
PSNk migratzaileei buruz esandakoak zuzentzeko eskatu dio Valtierrako alkateari
Sozialistek kritikatu dute Manuel Resa Valtierrako alkatearen adierazpenak "onartezinak eta diskriminatzaileak" direla, eta UPNri galdetu diote bere hitzak babesten dituen.