Lehendakariak bilera-sorta egingo du politika, ekonomia, aurrekontuak eta autogobernuaren garapena aztertzeko
Nazioarteko albisteek sortzen duten ezegonkortasuna kudeatzearekin batera, etorkizuneko erronketarako prestatu eta herri bezala eta ongizatean hazteko helburua jarri du Imanol Pradalesek hurrengo hilabeteetarako.
Imanol Pradales lehendakariak iragarri du talde parlamentarioekin bilera-erronda hasiko duela ostegun honetan Donostiako Miramar jauregian egindako Gobernu Kontseiluaren ondoren. Euskadiko egoera politikoa eta sozio-ekonomikoa aztertuko dute batzar horietan, baita Eusko Jaurlaritzak hurrengo urterako izango dituen aurrekontuen proposamena eztabaidatu eta autogobernuan sakontzeko moduak bilatu ere.
“Nazioarteko egoera konplexua” eta Espainiako “ezegonkortasun eta alferrikako zarata” kudeatzearekin batera, "etorkizuneko erronketarako prestatu eta herri gisa eta ongizatean hazteko" helburua jarri du Imanol Pradalesek hurrengo hilabeteetarako.
Ohikoa den legez, Donostiako Miramar jauregian eman dio hasiera urte politikoari Eusko Jaurlaritzak, lehendakaria eta sailburuak Gobernu Kontseiluan bilduta. Eneko Goia hiriko alkateak, Eider Mendoza Gipuzkoako ahaldun nagusiak eta Xabier Ezeizabarrena Gipuzkoako Batzar Nagusien presidenteak egin diete harrera jauregiko lorategietan.
Euskal agenda
Agertoki politikoa da euskal agenda jorratzeko bilera horietan landuko duten gaietako bat, eta lehendakariarentzat funtsezkoa da “Euskadin dugun egonkortasuna zaintzea eta mantentzea”. “Zubiak eraikitzea, elkarlana eta ezberdinen arteko akordien” garrantzia azpimarratu du, eta, horretarako, konpromisoa hartu du Segurtasun Foroan eta Osasun Itunean ematen diren aurrerapasuen gaineko informazioa ematearekin batera, etxebizitzari buruz hartutako neurriak eta Euskadiko Industria Planean hartutako neurriak azaltzeko.
Alor sozioekonomikoan, alde batetik, 2026rako kontu publikoei dagokionez, adierazi du “talde politikoen lehentasunak” zeintzuk diren jakin nahi duela. Bestetik, jakinarazi du AEBk eta EBk muga-zergen inguruan lortutako akordioak izango duen eraginari buruz sektorearekin egiten ari diren azterketa hizpide izango dutela.
Batzar horietako hirugarren gaia autogobernua izango da. Alor honetan, behar-beharrezkotzat jo du “Gernikako Estatutuan jasotako eskumen guztiak eskuratzea eta Estatutu Itun berri bat lortzeko konpromisoan aurrera egitea”.
Gobernu Kontseiluaren ondoren egin duen agerraldian, Pradalesek nazioarteko egoeraren azterketa motz bat ere egin du. "Israelgo Gobernua Palestinako herriarekiko egiten ari den basakeria" ezin geldiarazteko "ezintasuna" aipatu du, eta "bi estatuen onarpena" eskatu du.
Horrez gainera, “udaltzainek eta ertzainek pairatu dituzten indarkeria- eta bazterketa-gertakariak” ere aipatu ditu Pradalesek. Bere hitzetan “onartezinak” dira eta “alderdi politiko guztiek salatu beharrekoak”.
Ikasturte politikoa
Pradales, ertzainen eta udaltzainen aurkako erasoei buruz: "Indar politiko guztiok gaitzetsi behar ditugu, salbuespenik gabe"
Imanol Pradales lehendakariak eskatu du Ertzaintzak udan jasan dituen erasoak alderdi guztiek "aho batez, argi eta garbi" gaitzestea, "salbuespenik gabe". Gainera, ohartarazi duenez, "bizikidetzaren, tolerantziaren eta biktima guztien oroimenaren aurkako jarrerek ez dute lekurik gure herrian".
Horrez gainera, adin txikiko migranteen aferaren gainean ere galdetu diote lehendakariari. Andaluziako presidente Juanma Moreno Bonillak Euskadiri “emandako pribilegioen” aurka hitz du aste honetan. Pradalesen aburuz, Bonillak “ez ditu etxerako lanak” egin adierazpen horiek bota aurretik. Jakinarazi du telefonoz deitu diola, eta “elkartasuna eskatu” diola.
MIGRATZAILEAK
Pradales: “Moreno Bonillari deitu diot elkartasuna eta laguntza eskatzeko, migratzaile adingabeen % 50 autobusez iristen baitira Andaluziatik”
Lehendakariak azpimarratu du elkartasuna ardatz izanda garatu behar dela migratzaileen kudeaketa. Hala, horri buruz hitz egiteko eta lan egiteko deia egin du, pertsonak baitira eta horien giza eskubideak eta duintasuna bermatu beharra baitago.
Zure interesekoa izan daiteke
Ezkerreko alderdiek Errepublikaren berrezarpena aldarrikatu eta faxismoa salatu dute Gasteizen
Errepublikako Gobernuaren aurkako estatu kolpearen 90. urteurrenean, EH Bilduk, Ahal Duguk, Ezker Anitzak, Berdeak Equok eta Sumarrek "olatu erreakzionarioaren" aurkako "fronte antifaxista" osatzeko deia egin dute, eta "eskubide sozial, kolektibo eta nazionalak" blindatzeko prozesu "herrikoi eta errepublikarraren" bideari ekitea eskatu dute.
PPk alkategai berdinekin jarraituko du Bilbon, Donostian eta Iruñean eta Iñaki Garcia Calvo estreinatuko da Gasteizen
Alderdi Popularrak datorren urteko maiatzean egingo diren udal hauteskundeetarako hiriburuetarako hautagaitzak ofizial egin ditu gaur Galizian, Santiagon, egindako ekitaldi batean.
Frankismoak hildako 3.700 lagunak eta milaka errepresaliatuak gogoratu dituzte Nafarroako elkarte memorialistek
San Frantzisko plazan egin duten ekitaldian, Ansoleagako Guardia Zibilaren kuartelaren aurrean, loreak jarri dituzte errepresioaren biktimen omenezko plakaren ondoan. Horrez gainera, agintariei eskatu diete eraikin hori oroimenerako leku izenda dezatela.
PSE-EE kritiko azaldu da EAJko eta EH Bilduko alkateek elkarrekin Bergaran egingo duten ekitaldiarekin
Jose Ignacio Asensio PSE-EEren Gipuzkoako idazkari nagusiaren esanetan, beren subiranotasun obsesioaren erakusle izango da ekitaldia. Hala, gizartea zatitzea leporatu die bi alderdiei, eta abertzaleentzako soilik izango den gizarte bat eraiki nahi izatea.
Altxamenduaren ondoren emakumeek jasan zuten jazarpena gogoratu du Ana Ollok
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako kontseilaria Lodosan izan da, 1936ko estatu-kolpearen ondoren fusilatutako 136 pertsonen omenaldian parte hartzen. Iruñearen ondoren, Lodosa izan zen Gerra Zibilean hilketa gehien jasan zituen udalerria.
Lourdes Herrasti eta Paco Etxeberria omendu dituzte, memoria demokratikoa berreskuratzeko egindako lanagatik
Gerra Zibilaren hasieraren 90. urteurrena dela eta, Gipuzkoako Foru Aldundiak ekitaldi instituzionala egin du ostiral honetan Aieteko Jauregiaren lorategietan, Giza Eskubideen Etxearen egoitzan.
Negoziatzen ari diren transferentzien inguruko proposamen berriak jaso ditu Jaurlaritzak: Gizarte Segurantza eta portuak
Bi aldeek adostutakoaren arabera, akordioak abuztua baino lehen itxita beharko luke. "Hori da gure epemuga, eta epemuga horrekin lanean ari gara", adierazi du aste honetan Maria Ubarretxena Gasteizko Gobernuko bozeramaileak.
Bingen Zupiria: "Inola ere ez da gure politika inmigrazioa eta segurtasuna nahastea"
Bingen Zupiria Eusko Jaurlaritzako Segurtasun sailburuak nabarmendu du bere Sailaren politika “ez dela inola ere immigrazioa eta segurtasuna nahastea”, Arartekoaren azken agiriaren harira. Horrekin batera, adierazi du euskal gizarteak “eskatzen duela legeak eta arauak betetzen ez dituenarekin, izan kanpokoa edo izan hemengoa, gogorrak izatea”. ‘Basque Segurtasun Foroa: Segurtasun Integrala eta komunitatea’ udako ikastaroaren itxieran egin ditu adierazpenak.
12 urtean pantaila handirik ez duela jarri argudiatu du Aburtok eta Etxeberriak finala Plaza Berrian ikusteko gonbita egin du
Juan Mari Aburto Bilboko alkateak azaldu duenez, Munduko Futbol Txapelketako finala ikusteko pantaila erraldoiak jartzeko eskaera bakarra jaso du Udalak, PPrena, eta onartu egin du. Gasteizko Udalak Plaza Berrian pantaila erraldoia jarriko du eta Maider Etxebarria alkatea Espainiako kamiseta jantzita agertu da kazetarien aurrera eta igandean Plaza Berrira joateko deia egin du.
EAJk eta EH Bilduk Euskal Herriaren eta Estatuaren arteko harreman politiko berri bat aldarrikatu dute adierazpen bateratu batean
Ekimena Foruen abolizioaren 150. urteurrenarekin eta Bergarako Alkate Mugimenduaren 50. urteurrenarekin bat dator; bi efemerideak igande honetan gogoratuko dituzte.