Kataluniari elkartasuna agertzeko bilkurak egin ditu Gure Esku Dagok
1.000 pertsona baino gehiago bildu dira Gure Esku Dago herri plataformak gaur eguerdian Hego Euskal Herriko lau hiriburuetan antolatutako elkarretaratzeetan, Kataluniako herriari eta, bereziki, bihartik aurrera epaituko dituzten Arthur Mas, Joana Ortega eta Irene Rigau buruzagi kataluniarrei babesa adierazteko. Besteak beste, EAJko eta EH Bilduko ordezkariek hartu dute parte.
Donostian Andoni Ortuzar presidente jeltzalea eta Arnaldo Otegi ezker abertzaleko buruzagia izan dira. Bilbon, Arriaga plazan, Joseba Aurrekoetxea (EAJ), Maddalen Iriarte eta Iker Casanova (EH Bildu) egon dira, besteak beste. Gasteizko ekitaldian Gorka Urtaran alkateak hartu du parte, baita Lorena Lopez de Lacalle eta Felix Gonzalez EH Bilduren ordezkariek ere. Bestalde, Iruñean, EH Bilduko hainbat politikari izan dira elkarretaratzean: Adolfo Araiz, Bakartxo Ruiz, Miren Zabaleta eta Txelui Moreno.
'Demokrazia' lelopean egin dituzte mobilizazioak. "Demokraziaren aldarria lau hiriburutatik lau haizetara zabalduko dugu. Katalunian auzibidean dauden arduradun politikoei eta, oro har, herritarrei babesa agertzeko elkarretaratzeak deitu ditugu. Hitz bakar batekin erantzungo dugu: demokrazia", esan du Gure Esku Dagok.
2014ko azaroaren 9ko kontsulta deitzeagatik auzipetu dituzte Mas Kataluniako presidente izandakoa eta Rigau eta Ortega Kataluniako Gobernuko kontseilari ohiak. Bihar, otsailak 6, hasiko da epaiketa.
"Indarrak batuz, Kataluniari elkartasun demokratikoa adieraztera goaz eta, era berean, gure eskubideen oinarria hauspotzera. Demokrazian sakonduz soilik eraikiko baitugu etorkizun hobe bat", gaineratu du Gure Esku Dagok.
Generalitateko arduradun batzuk ez ezik, "2014ko azaroaren 9ko galdeketan parte hartu zuten bi milioitik gora herritarren borondatea" ere epaituko dutela salatu dute, "baita galdeketa hartan era batera edo bestera parte hartu zuten milaka eta milaka herritarrak ere".
Carme Forcadell Kataluniako Parlamentuko presidentea eta mahaiko kide batzuk auzibidean daudela eta 400 hautetsiri baino gehiagori eginbide judizialak ireki dizkietela ere ekarri dute gogora, hautetsontzietan jasotako agindua bideratzeagatik edo hautetsontzietatik eratorritako ordezkaritza zereginak betetzeagatik.
Mobilizazioek bi helburu nagusi izan dituzte; batetik, Kataluniako hautetsiei eta herritarrei elkartasuna adieraztea; eta, bestetik, demokraziaren aldarria lau haizetara zabaltzea. "Gaur hemen bildu garenok sinesten dugu demokrazian sakonduz soilik eraikiko dugula etorkizun hobe bat", esan dute.
Bilbon Arriaga plazan, Donostian Boulevarrean, Gasteizen Ama Zuriaren plazan eta Iruñean Udaletxe aurrean egin dituzte bilkurak.
Gasteiz:@GureEskuDago
Iruñea. Argazkia:@GureEskuDago
Bilbo. Argazkia:@GureEskuDago
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.