Hasi da 'Cabieces auzia'ren epaiketa, Kutxabanken ordainketengatik
Mario Fernandez Kutxabanken presidente ohia, Mikel Cabieces (PSE-EE) Espainiako Gobernuak EAEn zuen ordezkari ohia eta Rafael Alcorta abokatuaren aurkako epaiketa gaur hasi da Bizkaiko Probintzia Auzitegian, aurretiazko izapideekin, eta otsailaren 14, 15 eta 17an ikustaldiei ekingo diete, Kutxabankek egindako ustezko ordainketa ilegalengatik.
2016ko maiatzean baieztatu zuen Auzitegi horrek Cabiecesen, Fernandezen eta Alcortaren aurkako ahozko saioa egin behar zutela, bidegabeko jabetzea eta agiriak faltsutzea egotzita, Fiskaltzak aurretik aipatutako ordainketengatik aurkeztutako salaketa aztertu eta gero.
Hala, ez zituen aintzat hartu inputatuek aurkeztutako helegiteak eta, gainera, emandako epaian esan zuenez, "krimen zantzuak" sumatu zituen Cabiecesi egindako kontratuetan, eta Kutxabanken ohiko kontratazio bideetatik "kanpo, eta beharrezkoa izan gabe" egin zituztela ebatzi zuen.
10:00etan akusatuen aulkian jesarri dira Cabieces, Alcorta eta Fernandez, aurretiazko izapideak egiteko.
Aurretik aupatu bezala, ikustaldiak otsailaren 14an hasiko dira, hiru akusatuen eta Fiskaltzak deitutako lehenengo hiru lekukoen deklarazioarekin. Hurrengo egunean, gainerako lekukoek eta adituek deklaratuko dute, aurkeztu gabe dauden frogak aurkeztu, eta aldeek behin betiko ondorioak agertuko dituzte.
Epaiketaren azken eguna 17an izango da, Jone Goirizelaia akusazio partikularraren abokatuak ezin duelako 16an joan (aurretik erabakita zegoen moduan). Egun horretan, aldeen txostena prest egotea eta epaiketa amaitzea espero da.
Fiskaltzak 2015eko otsailean igorri zion auzia Auzitegiari, Kutxabankek salaketa aurkeztu ostean. Ordurako, Gregorio Villalabeitia zen entitateko presidentea, eta delitu zantzuak atzeman zituzten Mikel Cabieces Espainiako Gobernuak EAEn zuen ordezkari ohiari emandako ordainketetan (243.592 euro guztira), Mario Fernandez presidentea izan zen garaian. Fernandezek berak Cabiecesi emandako dirua itzuli zion finantza entitateari, eta Kutxabankek akusazio gisa ez aurkeztea erabaki zuen.
Mario Fernandez, epailearen aurrean deklaratu eta gero. Argazkia: EFE
Carmen Adan del Rio Bizkaiko Probintzia fiskalak aurkeztutako salaketan (Kutxabanken salaketa ere jaso zuen bere txostenean), Cabieces, Fernandez eta Alcorta (bere abokatu-langelaren bidez egin zituzten ordainketak) inputatzea eskatu zuen, bidegabeko jabetzea egin eta merkataritza agiriak faltsutu zituztelakoan.
Mario Fernandez Kutxabankeko presidente ohiak orain bi urte inguru esan zuenez, PPk "lanpostu bat" eskatu zion Mikel Cabiecesentzat, terrorismoaren aurkako borrokarekin izan zuen lotura dela eta.
Fiskaltzaren akusazioa
Bizkaiko Fiskaltzaren arabera, hirurek "adostu zuten" delituok egitea "Kutxabanki kalte ekonomikoa egiteko asmoz" .
Hori dela eta, bi urteko kartzela zigorra eta 6.000 euroko isun bana eskatu du hirurontzat, administrazio desleiala eta agiriak faltsutzeagatik edo, bestela, hiruna urteko espetxealdia bidegabeko jabetzea eta agiriak faltsutzeagatik.
Gainera, gaitasungabetze berezia ere ezartzea eskatu du, zigorrak irauten duen bitartean; Mario Fernandezen kasuan, administratzaile edo merkataritza-sozietate baten administrazio kontseiluko kide izateko eta, beste bien kasuan, abokatutzan jarduteko.
Herri akusazioa
Bestalde, LAB, ESK, STEE-EILAS, EHNE, Hiru, EKA eta Euskal Herriko pentsiodunen plataformak osatzen duten herri akusazioak hiru urte eta erdiko espetxe zigorra eskatu du Mikel Cabieces eta Rafael Alcortarentzat, eta bi urte eta hiru hilabetekoa Mario Fernandezentzat.
Herri akusazioaren esanetan, epaituko dituzten ekintzak administrazio desleial delitua, Zigor Kodearen 295. artikuluak dioenez, bidegabeko jabetze delitua, Zigor Kodearen 252 eta 74 artikuluetan jasota dagoenez, eta agiriak faltsutzea dira (azken horiek Zigor Kodearen 27 eta 28garren artikuluetan).
Hori dela eta, 27.000 euroko isuna eta bi urte eta hiru hilabeteko espetxe zigorra eta gaitasungabetzea (kargu politiko batean jardun, eta administratzaile eta administrazio kontseiluko kide izateko) eskatu du Mario Fernandezentzat.
Defentsa
Carlos Bueren Mario Fernandezen abokatuak auzi saioa hasi baino lehen kazetariei esan dienez, "epaiketa bidezkoa ez" dela frogatzen saiatuko dira.
Zure interesekoa izan daiteke
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.