Milaka lagunek harrera beroa egin diete Mas, Ortega eta Rigauri
Milaka pertsonak, eskuan esteladak, hautetsontziak eta boto-paper zuriak zituztela, harrera beroa egin diete Artur Mas Generalitateko presidente ohiari eta Joana Ortega eta Irene Rigau kontseilari ohiei auzitegira heldu direnean, 2014ko azaroaren 9ko kontsulta antolatzeagatik egiten ari diren epaiketa hasi aurretik.
Elkarretaratzean parte hartu duten gehienak, 40.000 inguru Bartzelonako Poliziaren arabera, Katalunia osotik abiatutako 150etik gora autobusetan etorri, eta bertan dauden kazetarien ondoan egon dira.
'Love democracy' irakur zitekeen pankarta handi bat eskegi dute Arc de Triomf, eta Kataluniako Auzitegi Nagusirako pasealekuan 'Democracia' hitza osatu dute, hitz zuri erraldoiekin.
Mas, Ortega eta Rigau hainbat politikarik eta kargudunek osatutako talde batekin heldu dira Auzitegira, besteak beste, Carles Puigdemont Gobernu katalanaren presidentea eta Carme Forcadell Parlamentuko presidentea haiekin batera izan dira.
Hain zuzen, 08:20ean abiatu dira Generalitatetik, ehunka kargudun bidelagun izan dituztela: Joan Tarda, Anna Simo, Gabriel Rufian (ERC), Marta Pascal, Jordi Turull (PDeCAT), Lluis Rabell, Joan Josep Nuet (SíQueEsPot), David Fernandez, Lluc Salellas (CUP) eta Josep Maria Terricabras eta Jordi Sole (ERC) euridiputatuak.
Ibilbidea Jaume I eta Argenteria kaleetan hasi da, eta Fossar de les Moreresen parean, Kataluniako independentziaren aldeko mugimenduaren ikur, izan du unerik beroena. Puntu horretan, taldea gelditu egin da une batean, Kataluniako ereserkia abesteko, ehunka hiritarren laguntzarekin.
Auzitegi Nagusiaren egoitzan sartu aurretik, Mas, Ortega eta Rigau tarima baten gainera igo dira, elkarretaratzean parte hartu dutenak agurtu eta esker onak adierazteko, baina ez dute hitza hartu.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.