ETAren amaiera eta presoen gizarteratzea, bake planaren ildo nagusiak
Eusko Jaurlaritzak bake eta elkarbizitza alorrean hainbat egitasmo abiatuko ditu legegintzaldi honetan: presoen gizarteratzea bultzatzeko eta arautzeko dekretu bat onartuko du, ETAren amaiera ordenatua lortzeko lan egingo du eta bitartekoak jarriko ditu "biktima guztiak" aitortuak senti daitezen.
Aipaturiko horiek dira Eusko Jaurlaritzak legegintzaldi honetan (2017-2020) garatuko duen Bizikidetzaren eta Giza Eskubideen Planak jasotzen dituen egitasmoetako batzuk. Planak hiru jarduera ardatz izango ditu: indarkeriaren amaiera ordenatua (I - IRAGANA), bizikidetzaren normalizazioa (II - ORAINA) eta bizikidetzaren erronka berriak (III - ETORKIZUNA).
Dokumentu honek, gutxienez, 14 ekimen izango ditu, 7 helburu estrategikori heltzeko. Jonan Fernandezek azaldu duenez, "Bizikidetzaren eta Giza Eskubideen Planaren hurrengo zeregina gizarte-topaketari eta bizikidetza normalizatuari eta kontziliatuari bide ematea izango da". Horretarako, haren saila gizarteko hainbat eremutako erakunderekin batera arituko da lanean, beren ekarpenak eta hausnarketak jasotzeko.
Jonan Fernandez Eusko Jaurlaritzako Bake eta Bizikidetza idazkariak agerraldia egin du gaur Eusko Legebiltzarrean, Giza Eskubideak, Bizikidetza eta Lankidetza izena hartuko duen bere idazkaritzak datozen lau urteetan izango dituen lan ildo nagusiak azaltzeko. Halaber, giza eskubideen ikuspegia indartzeak aldaketak ekarriko ditu Garapenerako Lankidetzaren Euskal Agentzia osatuko duen idazkaritzaren egituran, eta pertsona errefuxiatuen krisi humanitarioari erantzungo dio.
Presoei dagokienez, Iñigo Urkullu buru duen Gobernuak hiru helburu finkatu ditu: presoak Euskal Herriko kartzeletara gerturatzea, horien gizarteratzea bultzatzea eta espetxe politikari buruzko eskumena transferitzea.
Bestalde, EAJren eta PSE-EEren arteko gobernu itunak jasotzen duen bezala, "indarkeriaren amaiera ordenatua" bultzatuko du behin ETAk disoluzioa iragartzen duenean. Ondoren, behin betiko armagabetzeko egutegiari ekingo dio.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.