Homs: 'A9an ez genuen deliturik egin'
2014an, Kataluniako prozesu parte hartzailea egin zuten garaian, Francesc Homs Presidentetzako kontseilari zenak argi adierazi du Generalitatearen orduko jarrera: "Argi geunden A9an ez genuela deliturik edo legez kanpoko ekintzarik egin behar". Hori horrela, prozesuari eustea erabaki zuten, antolaketa lanak boluntarioen esku utzita. Homsek lekuko gisa deklaratu du Kataluniako Auzitegi Nagusian, A9ko galdeketagatik Artur Mas presidente ohiaren, eta Irene Rigau eta Joana Ortega kontseilari izandakoen kontra abiatutako epaiketan.
Auzitegi Konstituzionalak azaroaren 4an debekatu zuen Kataluniako Gobernuak iragarritako lehen galdeketa. Egun horretan bertan ebazpen hura Generalitatearen Zuzendaritza Batzordean aztertu zutela kontatu du Homsek, eta gero, prentsaurrekoan, kontsultari eusten ziotela iragarri zuen berak. "Gardentasunez aritu ez ginela diotenei zuzendutako hitzak dira honakoak", esan du PDeCATeko diputatuak Fiskaltzari erreferentzia eginez.
Gogorarazi duenez, orduko hartan bera zen Generalitateko Justizia Kabinetearen arduradun gorena, eta bere esku zeuden zerbitzu juridikoen azken erabakiak. Konstituzionalaren ebazpena jaso ostean, berak jakinarazi zion Masen Gobernuari galdeketa eginda ez zutela deliturik egingo.
"Legez egin ahal eta behar genuena egiten ari ginela agerian uzteaz gain, Kataluniako gobernukideei esan nien Legea hausten edota bestelako deliturik egiten ari ez ginela", adierazi du.
Homsen hitzetan, berak erabaki zuen Auzitegi Konstituzionalaren aurrean erregu-errekurtsoa aurkeztea. Nabarmendu duenez, Konstituzionalak ez zien kontsultari eusteak zekartzan ondorioen berri eman.
Homs auzipetuta dago A9ko auzian, baina diputatua denez, Gorenak epaituko du.
De Gisperti "zentzuzkoa" iruditu zitzaion A9ko galdeketa mantentzeko erabakia
Nuria de Gispert Kataluniako Parlamentuko presidente ohiak gaur epailearen aurrean adierazi zuenez, Auzitegi Konstituzionalaren debekuari entzungor egin eta Generalitateak azaroaren 9ko galdeketa mantentzeko hartutako erabakia "zentzuzkoa" iruditu zitzaion, Kataluniako herriari ahotsa emateko asmoz.
Unioko buruzagi ohi eta gaur egun Democrates de Catalunya alderdiko kide denaren hitzetan, ez zuen Auzitegi Konstituzionalaren erabakiaren ostean egindako Gobernuen eta alderdien goi bileratan. Hala ere, Artur Masekin harremanetan zegoela eta prozesua zuzenean jarraitu ahal izan zuela azpimarratu du.
Homsen eta De Gisperten deklarazioez gain, Xavier Trias Bartzelonako alkate ohiak eta Joan Rigol Kataluniako Parlamentuko presidente izandakoak ere epailearen aurrean hitz egin dute.
Beste hauek ere lekuko gisa deklaratuko dute: Carles Viver i Pi-Sunyer Autogobernuari buruzko Ikerketen Institutuko zuzendaria, Miquel Buch i Moya Premia de Mar (Bartzelona) herriko alkate eta Kataluniako Udalerri eta Eskualdeen Elkarteko presidentea eta Enoch Alberti eta Joan Vintro Zuzenbide Konstituzionaleko katedradunak.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.