27,5 miloi euro, haurrak dituzten EAEko familiei laguntzeko
Eusko Jaurlaritzak 27,57 milioi euroko diru partida onartu du seme-alabak dituzten familiei diruz laguntzeko programa finantzatzeko. Aipaturiko programak hiru jarduketa-lerro hartzen ditu bere baitan: familiaren kargura dagoen seme edo alaba bakoitzeko laguntza ekonomikoak, erditze bakoitzeko edo adopzio nazional anitz bakoitzeko diru-laguntzak, eta nazioarteko adopzio bakoitzeko laguntzak.
Zehazki, programa horren bidez diru-laguntza jaso ahal izango duten kasuak hauek dira: jaiotza, adopzioa, adopzio aurreko elkarbizitzarako zaintza, hemezortzi urtetik beherako pertsona baten tutoretza, eta familia unitate bateko seme-alaben mantentzea 2017ko urtarrilaren 1ean.
Familiaren kargura dagoen seme edo alaba bakoitzeko diru-laguntzak 400, 500 edo 900 eurokoak izango dira, familia unitatearen errenta estandarizatuaren arabera. Zenbateko horiek bikoiztu egingo dira laguntza jaso ahal izango duen semeak edo alabak % 33ko edo hortik goragoko desgaitasun aintzatetsia baldin badu edo mendekotasun-egoeraren batean badago.
Erditzeagatik edo adopzio nazional anitzagatik ematen diren laguntzak ordainketa bakar baten bidez izango dira, eta aldi berean jaiotako edo adoptatutako haurren kopuruak eta familia unitatearen errenta estandarizatuak zehaztuko dute zenbatekoa. Adopzio nazional anitzaren barnean sartzen dira adopzio aurreko elkarbizitzarako zaintzaren ordezkaritza eta tutoretza, aldi berean eta prozedura bakar batean, adin txikiko bi pertsonari edo gehiagori dagokienean.
Azkenik, nazioarteko adopzio sinple edo anitzagatik ematen diren laguntzak ordainketa bakar baten bidez izango dira, eta aldi berean adoptatutako seme-alaben kopuruak eta famili unitatearen errenta estandarizatuak zehaztuko dute zenbatekoa.
Azkeneko bi laguntza mota horiek familiaren kargura dagoen seme edo alaba bakoitzagatik dagozkion horietan metatzen dira.
Albiste gehiago politika
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.