Espainiako Gobernuak % 17,5era jaitsi du langabeziaren aurreikuspena
Espainiako Gobernuak langabezi tasaren aurreikuspena hobetu du urte honetarako hamarren bat jaitsiz, aurreko % 17,6tik % 17,5era. Bestalde, BPGren igoera % 2,5ean mantendu du, aurkeztutako koadro makroekonomikoaren arabera.
"Aurreikuspen oso zuhurrak dira", nabarmendu du Ekonomia, Industria eta Lehiakortasun ministroak, Luis de Guindosek, Ministroen Kontseiluaren prentsaurrekoan, eta hurrengo berritzeetan hobetu ahal izatea espero du.
Aurtengo lanaren igoeraren aurreikuspenak ere gora egin du hamarren bat, % 2,4 tik % 2,5era.
Langabezi tasaren estimazio bat ere badago koadroan, biztanleria aktiboaren inkestaren neurriarekin hartuta, % 16,6an dago. 2016a itxi zen tasarekin alderatuta, bi puntu gutxiago suposatzen du horrek. 2017an 506.000 lanpostu sortu dira momentuz.
Horren harira, 2017ko laugarren hiruhilekoan, 19 milioi okupatu eta 458.000 langabe gutxiago egongo litzateke. "Erritmo horrekin jarraitzen badugu, krisiaren aurretik genuen maila lortu dezakegu 2019ko amaieran", esan dute Ekonomia Ministeriotik.
BPGren igoeraren kopuruari dagokionez, % 2,5ean mantendu dute eta parte hartzaile bakoitzaren emaria aldatu dute. Ildo horretan, eskari nazionalak 2,1 puntu emango dizkio igoerari (hasieran 2,4 puntu aurreikusi ziren), eta kanpoko sektoreek , berriz, 0,1 puntutik 0,4 puntura pasako dira. Bigarren urtez jarraian, kanpoko eskariaren emari positiboa egon da, 1997tik Espainian gertatu ez den gauza da hori, azpimarratu du De Guindosek.
Espainiako Gobernuaren aurreikuspen makroekonomikoaren arabera, ekonomiak superabita izango du bosgarren urtez jarraian kontu korronteko balantzean. Hain zuzen ere, % 1,9koa izango da aurten.
Albiste gehiago politika
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Itunerako zuzenketak aurkeztuko ditu EH Bilduk, "Osakidetza publiko eta indartsua" egitearen alde
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".