Egibar: 'Kupoarena konpontzea PPrekin negoziatzeko aurretiko baldintza zen'
Joseba Egibar EAJk Eusko Legebiltzarrean duen bozeramaileak esan du behin Kupoaren arazoa bideratzea lortu dutenean aktibatu dutela PPrekin Estatuko Aurrekontu Orokorrei buruzko negoziazioa. Horren hitzetan, "Kupoarena konpontzea PPrekin negoziatzeko aurretiko baldintza zen"
Radio Euskadin egin dituen adierazpenetan, Egibarrek azpimarratu du Kupoaren arazoa konpontzea ezinbesteko baldintza zela aurrekontuei buruz hitz egiten hasteko.
"Kupoarena konpondu ez baldin badago, konpontze bidean dago", ziurtatu du.
EH Bildu
Iker Casanova EH Bilduko legebiltzarkideak baieztatu duenez,aurrekontuen gaineko EAJren eta PPren arteko balizko akordioa "negargarria" izango da euskal herritarrentzat, eta, horrez gain, Euskal Herriak Estatuarekiko duen "mendekotasun eredua sendotuko du". Halaber, ohartarazi duenaren arabera, EAJk itun horrekin lortuko duena "dagoeneko emanda zegoena jasotzea" izango da, "oraintsu kendutakoa itzultzea".
Hartara, Casanovak negargarritzat jo du EAJren eta PPren artean aurreikus daitekeen hitzarmena. Uste baitu "sendotu" egiten duela "ahuldade politikoan dagoen" egungo PPren Gobernua, eta baita "mendekotasunean oinarritutako" Euskal Autonomia Erkidegoaren eta Estatuaren arteko harremana ere.
Elkarrekin Podemos
Bere aldetik, Lander Martinez Elkarrekin Podemos alderdiak legebiltzarrean duen bozeramaileak PPrekin dituen negoziaketetan Euskadiren "eskubide politikoekin salerosian" ari dela leporatu dio EAJri, baita, modu horretan, "ustelkeriaren basatzan murgilduta dagoen alderdi bat" betikotuko duela ere.
Martinezek errefusatu egin du PPren aurrekontuen proposamena, bere iritziz "oso aldenduta baitago Estatuak behar duenaz".
PSE-EE
Alexia Castelo PSE-EEren legebiltzarkidearen esanetan, Kupoaren kitapena eta Bost Urteko Legea "gai korapilatsuak" dira, adostasun instituzionala behar duena, eta hori dela eta, negoziaketa "zentzuz eta esparru lasaian" egin beharra dago.
"Hainbat Gobernu izan ostean horrenbeste urtetan lortu ez baldin bada, barne azterketa bat egin beharko dugu, eta konturatu beharko dugu instituzio arteko adostasun batera iristeko jarrerak hurbildu behar direla eta maximalismoak alde batera utzi", adierazi du Castelok.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.