Pujoldarrek 'justifikatu' gabeko 69 milioiko etekinak dituzte
Pujol-Ferrusola sendiak 69 milioi euroko "etekin ekonomiko justifikatu gabea" pilatu zuen 1990etik Andorran. Orduan hasi omen ziren "jatorri ezezaguneko dirutza handiak" ezkutatzen, "ordenatutako eta aurrez pentsatutako plan baten" baitan.
Horixe agertzen da Espainiako Poliziaren UDEF sailak egindako txostenean. Hala, Poliziak uste du Pujol familiaren jarduna talde kriminal delituaren barruan sar daitekeela, Jordi Pujol Ferrusola seme zaharrenak zuzendaritzapean "ustez legez kanpokoa zen jarduera aurrera eramaten zuen talde antolatu moduan" aritzen zirela iritzita.
UDEFek uste du dirua zuritzearen "azken helburua" dibisa ezberdinetan "justifikatu gabeko etekin ekonomikoa" lortzea zela, eta tartean sartu ditu gurasoak, zazpi anai-arrebak, eta Jordi Pujol Ferrusolaren emazte ohia.
69 milioi euro horietatik zati handiena, 54,5 milioi euro hain zuzen ere, seme zaharrenari dagozkio.
Kataluniako presidente ohiak, berriz, 2,84 milioi euro pilatu zituen Andorran, eta horren emazteak, Marta Ferrusolak, 683.139 euro.
Familia elkarlanean aritzen zela azpimarratu duen arren, UDEFek uste du Jordi Pujol "Junior" zela taldearen "burua", bankuetako kontuetan bere izena agertzen zelako eta jatorri ezezaguneko dirua "jasotzeko, bankuan sartzeko eta ateratzeko" ardura bere gain zuelako.
Poliziaren arabera, Pujol-Ferrusola familiaren jarduna ez zen justifikatu gabeko dirua Andorran ezkutatzera mugatzen, baizik eta herrialdea "operazio base" bihurtu zuten beste herrialde batzuetan negozioak egiteko, tartean paradisu fiskaletan.
Pujoldarren operazioak aztertu ostean, Poliziak ondorioztatu du "antolatutako talde gisa" jokatzen zuela familiak 1990etik, ustez legez kanpokoa zen jarduera bat aurrera eramateko.
"Ama nagusia"
Marta Ferrusola Kataluniako presidente ohiaren emazteak "ama nagusi" ezizena erabiltzen zuen Reig bankuari (orain Andbank) Andorrako kontuetan mugimenduak agintzeko, Europa Press-ek sumarioan oinarrituta jakinarazi duenez.
"Mosen agurgarria. Kongregazioko ama nagusia naiz. Nire liburutegiko bi meza-liburu parrokiako kapilauaren liburutegira eraman nahiko nituzke. Berak esango dizu non jarri behar diren. Eskerrik asko", ageri da Ferrusolak 1995eko abenduaren 14an eskuz idatzitako testu batean.
Zure interesekoa izan daiteke
Demokraziaren aldeko borroka pil-pilean zebilen Euskadin Franco hil aurreko urteetan
Frankismoaren azken urteetan Euskadiko kaleetan bizi zen tentsio handia gogora ekarri dute Ramon Jauregui sozialistak, Tasio Erkizia ezker abertzaleko militante historikoak eta Gorka Knörr EAko eurodiputatu ohiak.
?fmt=png-alpha&qlt=80)
Marcos Vizcaya zendu da, Trantsizioan EAJko bozeramailea izandakoa
Carlos Garaikoetxea lehendakariaren aholkularia zela, Gernikako Estatutuaren negoziatzaile aktiboenetako bat izan zen, 1979an.
Negoziatzeko borondatea erakutsi arren, Eusko Jaurlaritzak eta oposizioak urrun ikusten dute aurrekontuen akordioa
Noel d'Anjou sailburuak adierazi du entzuteko eta elkarrizketarako fasea abiatu dutela, eta Eusko Jaurlaritzak proposamenak espero dituela. Oposizioko alderdiek, bere aldetik, hoztu egin dute koalizio gobernuarekin aurrekontu proiektuaren inguruan akordioa lortzeko aukera.
Bere aurkako atxilotze-agindua bertan behera uzteko eskatu dio Puigdemontek Konstituzionalari
Kataluniako presidente ohiaren defentsak azpimarratu duenez, "urteetan zehar" Puigdemontek "mugatuta izan du bere mugimendu askatasuna eta jarduera instituzionala, atxiloketa aginduen ondorioz, zeinaren baliozkotasuna juridikoki indargabetu duten Amnistiaren Lege Organikoak eta Auzitegi honek (Konstituzionala) zein Europako estandarrek".
Mazonek Kongresuan esan du ez zegokiola berari alerta mezua bidali erabakitzea
Pradas kontseilari ohiaren deiak erantzun ez bazituen mugikorra motxilan eduki zezakeelako izango zela azpimarratu du Valentziako Generalitateko jarduneko presidente denak Kongresuko ikerketako batzordean.
Arnaldo Otegik uste du Jaurlaritzak ez duela EH Bildurekin itunik nahi
Arnaldo Otegik uste du Eusko Jaurlaritzak ez duela EH Bildurekin itunik nahi. Are gehiago, horren atzetik erabaki politiko bat dagoela ziurtatu du Egun On saioan egindako elkarrizketan. Arnaldo Otegi EH Bilduko idazkari nagusiak adierazi du , gainera, "arinkeria handiarekin esaten direla gauza batzuk" eta "kontuz" aritu behar dela "zein adjektibo erabiltzen ditugun eztabaida politikoan". Bestalde, azpimarratu du Bingen Zupiriak adierazi zuela "Euskal Hintxek edo zaletuek deituta zegoen manifestazioa ez zegoela legeztatuta eta baimendua. Guk ez genuen esan gezurretan ari zela. Zuk pentsa dezakezu, agian gezurretan dago edo agian ez dauka datu hori ordu horretan".
50 urte Franco gabe: honelakoak izan ziren diktadorearen azken bost asteak
1975eko azaroaren 20an hil zen Francisco Franco, ia lau hamarkadatan Espainian gobernatu zuen diktadorea. Bere bizitzako azken asteetan ageriko egin ziren arazo mediko batzuen ondorioz hil zen, Espainia krisi politiko zein sozial sakon baten erdian zegoenean.
Lehendakaria Parisera joango da Frantziarekin lankidetza instituzionala eta kulturala sendotzera
Bisita ofizialean, azaroaren 18an eta 19an, bilera politiko, akademiko eta kulturalak egingo ditu. Etxepare Institutuaren 15. urteurrena ospatzeko ekitaldiarekin amaituko du bidaia, Frantziako Liburutegi Nazionalean.
Frankismoa garai iluna izan zen euskararentzat, debeku eta jazarpen urteak izan ziren eta
Francok debeku ugari ezarri zituen arren, ikastolak sortu ziren euskarari bultzada emateko, ezkutuan bazen ere. Demokraziarekin batera, oztopoei aurre egin, eta ordura arte debekatutako ekimenak martxan jartzea lortu zuten. 1976ko martxoan eginiko “24 orduak euskaraz” ekimena horietako bat izan zen.
Peinado epaileak artxibatu egin du 'Begoña Gomez kasuan' inputatutako Moncloako goi-kargudunaren kontrako auzia
Judith Gonzalez Espainiako Gobernuko Lehendakaritzako idazkari nagusiaren aurkako inputazioa kentzea erabaki du epaileak, igande honetan deklarazioa hartu ostean.