Rajoyren kanpainaren zati bat diru publikoaz ordaindu zuten, UCOren arabera
Madrilgo PPk diru publikoarekin ordaindu zuen 2008ko hauteskunde orokorretako kanpainaren zati bat, Guardia Zibilak Punica auziari buruzko txosten batean adierazi duenez. Mariano Rajoy izan zen, hain zuzen, hauteskunde-kanpaina horretako hautagai nagusia eta, ikertzaileen arabera, kanpoko publizitatea, banderak, triptikoak eta 'telepronter'a, esaterako, ordaindu zituzten, Madrilgo Erkidegoko Gobernuak Fundescam Fundazioari emandako diru-laguntzen bidez.
Aurretik aipatutako Guardia Zibilaren txostenean agertzen denez, Europa Pressen arabera, ikus-entzunezko eta diseinu grafikoaren formakuntza sustatzeko ikastaroen "egiaztagiri faltsuak" erabili zituen PPk, hauteskunde kanpainan "benetan" egindako gastuak "estaltzeko", baina ikastaroak ez zituzten inoiz egin.
Unitate Operatibo Zentralaren agenteek Beltran Gutierrez Madrilgo PPren kudeatzaile ohiaren etxebizitzan egindako miaketa batean atzemandako pendrive bat aztertu zuten, eta horren agirietan ageri diren kantitateak bat datoz aipatutako egiaztagiriekin, baina izen ezberdinekin.
Hala, adibidez, 'Kanpoko Publizitatea' izeneko eremuan, 'kartelak' izeneko gaian, Emfasis enpresari emandako 2.389 euro ageri dira, F zutabean, Fundescam Fundazioari dagokiolako. Egiaztagiri faltsuan, kantitate bera eta enpresa bera ageri dira, baina 'Programen edizioen ikastaroak eta mintegiak' izenarekin.
F zutabe horretan, 50.529 eta 46.189 euroko gastuak jaso dituzte, 'esquineros' (hauteskunde-kanpainan alderdiaren publizitatea banatzen duten boluntarioak dira) eta 'telepronter' izenekin, hurrenez hurren. Txostenaren arabera, gastua zenbait egiaztagiritan banatzen zen, baina denak batuz gero, kudeatzaileak jasotako zenbatekoarekin bat zetozen.
Guardia Zibilaren esanetan, diru-laguntza Ignacio Gonzalez Madrilgo presidenteordea izan zen garaian eman zuten, 200.620 eurokoa.
Beltran Gutierrez Molinerrek eta Ignacio Echeverria Madrilgo Erkidegoko Garraioen kontseilari ohiak sinatutako diru-laguntza da (biak ikertzen ari dira auzian). Dokumentu horren bidez, gerora egin ez zituzten ikastaroak, jardunaldiak eta bilerak sustatzen zituzten.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.