Urriaren 1ean izango da Kataluniako erreferenduma
2017ko urriaren 1ean Generalitateak honakoa itaunduko die herritarrei: Nahi duzu Katalunia estatu independente izatea errepublika gisa? Erreferendumaren galdera eta data gaur iragarri ditu Carles Puigdemont Kataluniako presidenteak Generalitatearen jauregian egindako agerraldian.
Kataluniako Gobernuaren Kontseilu Exekutiboak bilera egin du goizean, eta bertan adostu du presidenteak irakurritako adierazpen instituzionala. Iragarpena Puigdemonteren ahotsean egin badute ere, haren ondoan izan dira Oriol Junqueras presidenteordea eta Carme Forcadell Parlamentuko presidentea. Kataluniako Gobernuaren gainerako kideak eta Junts Pel Si eta CUP alderdietako diputatuak ere bertan egon dira, euren babesa ematen.
Katalunia bezalako "milaka urteko nazio batek duen autodeterminazio eskubide legitimoa" erabilita egingo dute erreferenduma, eta emaitza betetzeko "konpromisoa" hartu du Puigdemont buru duen gobernuak.
Boto-paperak katalanez, gaztelaniaz eta araneraz (Katalunian ofizial diren hiru hizkuntzak) egongo dira, zehaztu duenez, eta galdera horri "bai" ala "ez" erantzun ahalko diote herritarrek.
"Katalanek euren etorkizuna erabakitzeko ordua da. Euren esku dago hori posible egitea. Desadostasunen gainetik, demokraziak batzen gaitu", adierazi du Puigdemontek.
Pati dels Tarongersen egin duten agerraldiaren ikuspegi orokorra. EFE
"Etorkizuna libreki erabakitzeko eskubidea"
Puigdemonten hitzetan, Kataluniako Gobernuak "berme guztiak emango ditu erreferenduma egiteko, antolatzeko eta deitzeko prozesu guztia zuzen egiten dela ziurtatzeko". Kataluniako herritarrei, bestalde, dei egin die "kolektiboki barnera dezaten euren herrialdearen etorkizuna libreki erabakitzeko duten eskubidea, eskubide besterenezina, alegia".
Gogorarazi duenez, "mundu osoan" azaldu dute Kataluniako auzia, eta Estatuarekin "behin eta berriz" bilatu dute akordioa, negoziatzeko "borondate irmoa" erakutsita. Saiakerak saiakera, eta "Katalunia legealdiaren azken txanpara heltzen ari den honetan", Puigdemontek ohartarazi du ez dutela "baiezko bakar bat ere jaso", eta horrenbestez, Parlamentuak hartutako konpromisoari jarraiki ("erreferenduma edo erreferenduma, adostua izan edo ez"), independentziaren inguruko galdeketa deituko dutela iragarri du.
Kataluniako presidenteak urtemuga bat gogorarazita hasi du agerraldia: zazpi urte dira Auzitegi Konstituzionalak Estatutuaren kontrako epaia eman zuela. Puigdemonten iritzian, urte hauetan, Estatuaren "sistema politiko, sozial, ekonomiko eta mediatikoak" ez du Kataluniarekin duen "arazo sakona" konpontzeko "inongo borondaterik" azaldu, eta horren aurrean, orain katalanei dagokie euren etorkizuna erabakitzea. "Visca Catalunya" (Gora Katalunia) batekin amaitu du presidenteak bere adierazpena.
Zure interesekoa izan daiteke
Laugarren Xedapen Iragankorraren indargabetzeko tramitea hasi du UPNk
Cristina Ibarrola UPNko presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapen hori ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago eskatu behar zaio grebari amaiera emateko”
Eneko Andueza PSEko idazkari nagusia kritiko agertu da Monica Garcia Osasun ministroa jokatzen ari den paperaz medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko Faktoria saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta EAJrekin ikusteko dago”.
Javier De Andres: "Euskararen exijentzia mailak euskal gizarteak benetan eskain ditzakeenen gainetik daude"
Euskadiko PPko presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Bere ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik daudela".
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.