Martxoaren 3ko biktimek aurre egin diote Martin Villari
Francisco Franco diktadorea hil osteko lehen udal hauteskundeak egin zirela 40 urte bete direla eta, ekitaldia egin dute Diputatuen Kongresuan. Ekitaldi horretan Felipe VI erregeak domina jarri dio Rodolfo Martin Villa ministro ohiari.
Gasteizen, 1976ko martxoaren 3an izandako sarraskiaren erantzule politikotzat jotzen dute Martin Villa. Poliziak bost langile hil eta beste 150 pertsona inguru zauritu zituen.
Gertakari horiengatik, Maria Servini epaile argentinarrak Martin Villa atxilotzeko eta auzipetzeko nazioarteko agindua eman zuen, diktadura frankistaren garaian izandako gizateriaren aurkako krimenak ikertzeko ireki zuen auziaren baitan.
Bestalde, 1977an, ministro zela baliatuta, Martin Villak 'Billy el Niño' bezala ezaguna den Antonio Gonzalez Pacheco torturatzailea kondekoratu zuen.
Beste ekitaldi bat ere izan da gaur Madrilen, biktimen inpunitatearen kontra deitutakoa. Hara joan dira Martxoaren 3ko zenbait biktima, eta kalean, aurrez aurre, Martin Villarekin egin dute topo.
Azalpenak eskatzeko baliatu dute unea. "Aurpegia eman" eta "egindakoaren erantzukizuna bere gain" har dezala exijitu diote biktimek.
Martin Villak esan die "dena ondo egin" zela uste duela eta, beraz, "kontzientzia garbi" daukala. Gainera, epaile baten aurrean deklaratzeko prest egongo litzatekeela esan die, "baina Estatuko estamentuek hala egitea galarazten didate".
Albiste gehiago politika
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du eta, horren arabera, salbuespen kasuetan eta interes nazionalaren edo orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "bere garaian egiten zen aurreikuspena zen une honetan instalazio hori erabiltzen duten autobus askok, Gasteiz edo Bilbo jatorri-helmuga dutenek, desagertzeko joera izatea euskal 'Y' abiadura handiko trenaren zerbitzua martxan jartzean" lehiakorragoa delako, baina hori "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak Txiki eta Otaegi biktimak direla azpimarratu du, baina urteurrena ez instrumentalizatzea eskatu du
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzako bozeramailean gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.