Jordi Turull, Joaquim Forn eta Clara Ponsati, Kataluniako Gobernu berrian
Urriaren 1eko erreferendumari begira, Carles Puigdemontek aldaketak egin ditu Kataluniako Gobernuan: Jordi Turull izango da Presidentziako kontseilaria; Joaquim Forn, Barne kontseilaria; eta Clara Ponsati, Hezkuntza kontseilaria.
Kataluniako Gobernuko idazkari berria Victor Cullel izango da, eta Presidenteordetzakoa, Josep Maria Jove.
Bestalde, kargutik kendu ditu Neus Munte orain arteko Presidentzia kontseilari eta Kataluniako Gobernuaren bozeramailea, Jordi Jane Barne kontseilaria, Meritxell Ruiz Hezkuntza kontseilaria eta Joan Vidal de Ciurana Generalitateko idazkaria.
Horrez gain, duela gutxi Jordi Baiget Enpresa kontseilari kargugabetu zuen Puigdemontek.
Puigdemontek eta Oriol Junqueras Kataluniako Gobernuko presidenteordeak agerraldia egin dute Gernalitateko Jauregian aipatu aldaketen berri emateko.
Kataluniako presidenteak gobernu sendoa eta batua nahi du erreferenduma antolatu eta prozesu soberanista azkeneraino eramateko asmoz.
Puigdemontek esker ona agertu die Generalitatea utzi duten guztiei, "egin duten lanagatik eta erakutsitako zintzotasun eta leialtasungatik".
Ofizialki kargutik kendu baditu ere, Puigdemontek zehaztu du erabakia ez duela berak hartu, kontseilariek eurek erabaki dutela "albo batera egitea" eta euren tokia beste batzuei uztea.
Guztiekin banaka bildu zela eta bilera horietan Generalitatea uzteko asmoa jakinarazi ziotela erantsi du.
"Nik ez dut inor kargutik kendu. Kontseilari guztiei esan diet ez dagoela inolako arrazoirik horretarako, lan eredugarria egin dutelako. Zintzotasunez eta leialtasunez aritu dira, baina albo batera egiteko erabakia hartu dute eta nik erabaki hori onartzea beste aukerarik ez dut izan", azaldu du.
Koordinaziorako taldea
Bestalde, Oriol Junquerasek iragarri du koordinazio politikorako organo bat osatuko dutela, erreferendumari lotutako erabaki guztiak Generalitateko kontseilari guztien artean hartzeko.
"Kataluniako Gobernuko kide guztiok adostu eta sinatuko ditugu urriaren 1ean katalanek bozkatu ahal izateko beharrezkoak diren itun guztiak", adierazi du.
Horrez gain, Junquerasek zuzenduko du hauteskunde prozesuen arloa eta, orain arte bezala, berak koordinatuko du erreferenduma, Puigdemontekin eta Victor Cullell idazkari berriarekin elkarlanean.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.