Kataluniako Gobernuak auzitegietara eramango du FLAren gaineko 'mehatxua'
Oriol Junqueras Kataluniako Gobernuko presidenteordeak astearte honetan jakitera eman duenez, auzitegietara eramateko asmoa dauka Likidezia Funts Autonomikotik (FLA) Kataluniak jasotzen duen dirua eteteari buruz Espainiako Gobernuak egindako "mehatxua". Horrenbestez, Kataluniako Gobernuak helegitea aurkeztuko du Auzitegi Gorenean zein Auzitegi Konstituzionalean, eta auzia "nazioarteko instantzietan" aurkezteko asmoa ere badauka.
Hala adierazi du Junquerasek Gobernuaren Kontseilu Betearazlearen bilera izan ostean.
Modu horretan erantzun dio Kataluniako Gobernuak joan zen ostiralean Rajoyren Exekutiboak egin zion ohartarazpenari. Izan ere, ohartarazpen horren arabera, Kataluniako Gobernuak urriaren 1eko galdeketarako dirua jartzen duen ala ez egiaztatuko du astero Espainiako Gobernuak, eta, hori gertatuko balitz, Kataluniari Likidezia Funts Autonomikotik jasotzen duen dirua kenduko lioke.
Generalitateko hornitzaileei eta herritarrei kalte egin nahi izatea leporatu dio Madrilgo Gobernuari Junquerasek, eta, adierazi duenez, ohartarazpen horiek ez dute inola ere erreferenduma egitea oztopatuko: "Agerikoa da ez dugula galdeketarik egingo FLAko baliabideak erabilita".
Halaber, Kataluniako presidenteordeak esan du ez diola emango Espainiako Gobernuari Generalitateko finantzak ikuskatuko dituzten langile publikoen zerrenda, "Kataluniako Gobernuko kideak baitira edozein informazio eskaera ziurtatuko dutenak", erantsi du.
Defentsa judiziala bermatzeko neurriak
Beste alde batetik, Katalunian martxan jarritako prozesu soberanistan nolabaiteko lotura izateagatik auzipetu ditzaketen aholkulariei, goi kargudunei eta langile publikoei defentsa judiziala bermatzeko neurriak hartuko dituela jakinarazi du Kataluniako Gobernuak.
Jordi Turull Kataluniako Gobernuko bozeramaileak Gobernu Bileraren ostean egindako agerraldian ziurtatu duenez, lanpostu publikoak dituzten beharginak ez dituzte "bakarrik" utziko prozesu soberanistagatik jarri ditzaketen "kereila arbitrarioen aurrean". Ildo horretatik, langileei babesa emango diela esan du.
Akordio horrek aholkulariak, goi kargudunak eta langile publikoak hartzen ditu kontuan, tartean Meritxell Borras, galdeketa egiteko hautestontziak erostea leporatuta auzipetuta dagoena.
Aldaketak Kulturan
Bestalde, Kataluniako Gobernuak Maria Dolors Portus izendatu du Kultura Saileko idazkari nagusi gisa, Xavier Gilberten ordez. Gilbertek kargua utzi du duela gutxi hautatua izan eta gero.
Kultura Sailan egindako ordezkapen hori orain dela gutxi Hezkuntzan egindako beste batzuei gehitu behar zaie.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.