A9ko galdeketagatik bermea ordaintzea eskatuko dio Kontu Auzitegiak Masi
Espainiako Kontu Auzitegiak deklaratzera deitu Artur Mas eta Kataluniako Gobernuko beste hamar kontseilari ohi, 2014ko azaroaren 9ko galdeketa antolatzeagatik bost milioi euroko bermea ordaindu behar dutela jakinarazteko.
Saioa irailaren 25ean izango da, Kataluniako erreferenduma egin baino sei egun lehenago.
Joana Ortega presidenteorde ohia, Irene Rigau Hezkuntza kontseilari ohia, Francesc Homs Generalitatearen bozeramaile ohia eta beste zazpi goi-kargudun ohi ere deitu ditu Espainiako Kontu Auzitegiak.
Esandakoa egiten ez badute, ondasunak eta kontu korronteak enbargatuko dizkietela ohartarazi die gainera.
(Carles Puigdemont eta Oriol Junqueras. Argazkia: EFE)
Puigdemont: "Estatuak beldurra zabaldu nahi du"
Zitazioaren berri izan ostean, Carles Puigdemont Generalitateko presidenteak eta Oriol Junqueras presidenteordeak premiazko agerraldia egin dute.
Estatuak, urriaren 1eko erreferenduma galarazteko asmoz, "beldurra zabaldu" nahi duela, "etsi-etsian" ari dela eta estrategia horretan "urrats kualitatiboa" eman duela salatu du Puigdemontek. "Kontu Auzitegiaren erabakiarekin zuzenbide-estatua urratzen ari dira", erantsi du.
Aste honetan onartuko dituzte Katalunian erreferendumerako legea eta erreferenduma deitzeko dekretua, eta Puigdemontek esan du testuinguru horretan kokatu behar direla Estatuaren "mehatxuak eta erasoak" ugaritu izana.
Puigdemontek azpimarratu duenez, aste honetan bertan onartuko dute erreferenduma egiteko legea, eta erantsi du Kataluniako Gobernua prest dagoela erreferenduma egiteko.
Horrez gain, Generalitatearen babesa helarazi die Espainiako Kontu Auzitegiak deitutako goi-kargudun ohi guztiei. "Haien kontra egiten badute, gure kontra ari dira", nabarmendu du. "2014ko azaroaren 9an Kataluniako Gobernuaren izenean aritu ziren; beraz, hau ez da pertsona jakin batzuen aurkako erasoa, hau bozkatu nahi dugun demokrata guztion aurkako erasoa da", adierazi du.
Agerraldia egin aurretik, Puigdemontek eta Junquerasek bilera egin dute Artur Mas Kataluniako presidente ohiarekin, Jordi Sanchez ANCko presidentearekin eta Jordi Cuixart Omnium Cultural elkarteko presidentearekin. Generalitateko zenbait kontseilari ere izan dira batzarrean.
ANC eta Omnium Cultural elkarteek 'elkartasun kutxa' ireki dute, herritarren ekarpenak jaso eta Espainiako Kontu Auzitegiak eskatutako dirua denen artean ordaintzeko.
Beldurrari aurre egiteko deia egin du Artur Masek
3/24 telebistan egindako elkarrizketa batean, beldurrari aurre egiteko eta irmo mantentzeko deia egin die Artur Masek katalanei, Estatua urriaren 1eko erreferenduma galarazteko egiten ari den ahaleginaren aurrean.
Hala adierazi du Espainiako Kontu Auzitegiak hartutako erabakiaren berri izan ostean komunikabideetan egin duen lehendabiziko agerraldian.
"Erreferenduma egiteko gauzak sinatu behar dituzten pertsonak izutu nahi dituzte, beldurraren estrategia erabiltzen ari dira erreferenduma antolatzeko lanetan ari direnak ehizatzeko asmoz", salatu du.
"Ikaratuta nahi gaituzte, urriaren 1ean bozkatzera joan ez gaitezen; Estatuaren erakundeak erabiltzen ari dira ideia jakin batzuk dituzten herritarren kontra jotzeko, baina kasurik egin ezean, jendea irmo mantentzen bada eta beldurraren birusa kutsatzen uzten badiegu, Estatuaren estrategia horrek porrot egingo du", azpimarratu du Masek.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.