Konstituzionalak bertan behera utzi du Kataluniako erreferenduma
Auzitegi Konstituzionalak onartu egin du Espainiako Gobernuak urriaren 1erako Katalunian deituta dagoen independentziarako erreferendumaren aurka jarritako lau helegiteak aztertzea, eta, horren ondorioz, galdeketa bertan behera geratu da, behin-behinean.
Gainera, euren beharra erreferenduma galaraztea dela ohartarazi die Konstituzionalak 1.000 kargudun politikori baino gehiagori, Generalitateko 60 bat goi-karguduni eta Kataluniako 947 alkateei, hain zuzen.
Josep Lluis Trapero Esquadra Mossoen burua eta Pere Soler i Campins zuzendari nagusia ere daude ohartarazitakoen artean.
Epaileak premiaz batzartu dira, Exekutiboaren helegiteak aztertzeko.
Hain zuzen ere, hauek dira Konstituzionalak bertan behera utzitako lau ebazpenak: erreferendum legea, hura deitzeko dekretua, Kataluniako Parlamentuak Hauteskunde Batzordeko bost kide hautatzeko emandako ebazpena eta deialdi dekretua osatu duten beste arauak.
Espainiako Gobernuaren helegiteak aztertzea onartuta, ebazpenok automatikoki geratu dira bertan behera behin-behinean, hots, Konstituzionalak helegiteen mamia ebatzi arte.
Alkateei emandako ohartarazpena
Espainiako Gobernuak eskatu bezala, ebazpen hau Generalitateko goi-kargudunei eta alkate guztiei ?premia handiz? ematea agindu du Konstituzionalak, Espainiako Gobernuaren Ordezkaritzaren bitartez.
Orain arte, 560 udalek agertu diote babesa erreferendumari, eta hori antolatzeko lanean parte hartuko dutela iragarri dute.
Puigdemont presidenteak eta Oriol Junqueras presidenteordeak gutun bat igorri die alkateei, erreferendumerako hauteslekuak utzi behar dituztela ohartarazteko, eta 48 orduko epea eman die baieztapena emateko.
Aipatutako udalez gain, 16.000 pertsonak ere izena eman dute erreferendumean ?kolaboratzaile? izateko, Puigdemontek zehaztu duenez.
Puigdemont : ?Inongo auzitegirik ez du Katalunian demokrazia bertan behera utziko?
Bestalde, Konstituzionalak erreferendum legea baliogabetu ondoren, inongo auzitegirik ez duela Katalunian demokrazia bertan behera utziko esan du Carles Puigdemont Generalitateko presidenteak.
?Inongo ministroen kontseilurik edo auzitegirik ez du demokrazia bertan behera utziko Katalunian?, esan du Puigdemontek 8TV telebistako elkarrizketa batean.
?Auzitegi Konstituzionala Espainiako Gobernuarekin elkarlanean ari da, botere banaketa gutxietsiz?, salatu du Generalitateko presidenteak.
Deialdi dekretu sinboliko bat sinatzeko dei egin du ANCk
Konstituzionalaren erabakia plazaratu ostean, urriaren 1eko erreferendumaren deialdia sinatzeko dei egin die ANCk herritarrei 'joconvoco.cat' webgunean.
Helburua deialdi dekretu birtuala 100.000 herritarrek baino gehiagok sinatzea da, ?erreferendumak duen babes zabala erakusteko?, horren esanetan.
Era berean, ANCk salatu egin du Estatuak katalanen gehiengoak babesten duen erreferendumaren aurka agertu duen ?jarrera errepresiboa?.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.