Guardia Zibilak U-1eko webgunea itxi eta Generalitateak berriz zabaldu du
Guardia Zibilak independentzia erreferendumaren webgune ofiziala itxi du gaur, baina gutxi geroago Carles Puigdemont Generalitateko presidenteak beste bi domeinu zabaldu ditu atarira sartzeko.
Guardia Zibileko iturriek jakitera eman dutenez, guardia zibilak Malgrat de Marreko (Bartzelona) CD Mon enpresan sartu dira eta erreferendumaren webgunea ixteko epailearen agindua entregatu dute. Konpainiak agindua bete du.
19:00ak aldera, referendum.cat webguneak funtzionatzeari utzi dio. Hala ere, ia aldi berean, Generalitateak bi esteka berri jarri ditu martxan.
Webgunearen lekualdaketaren berri eman du Puigdemontek txioen bidez: "Referendumaren webgunea beste helbide batean dago. Esteka honekin sartu: ref1oct.cat", idatzi du presidenteak, eta ondoren erantsi du: ref1oct.eu helbidean ere aurkituko duzue. Jende asko bi domeinuetara sartzen dabil."
Kataluniako Gobernuaren beste kide batzuk, Oriol Junqueras presidenteak edo Jordi Turull bozeramaileak, besteak beste, esteka berriak zabaltzen lagundu dute Twitter sare sozialean.
Madrilen, Diada ospatzeko ekitaldi batean parte hartu baino lehen, webguneak ixtea "Konstituzio aurreko dinamika" dela salatu du Turullek. Bozeramailearen hitzetan, "Turkian bakarrik gertatzen da", baina prozesu independentistaren "tsunami demokratikoa" gelditzea ez dute lortuko.
Alerta Solidariak martxan jarritako ataria. Irudia: EiTB
Webgunearen itxiera Kataluniako Fiskaltzak eskatutako kautelazko neurria da, iragan astean Kataluniako Auzitegi Nagusiaren aurrean Carles Puigdemont Generalitateko presidentearen eta Kataluniako Exekutiboko gainerako kideen aurka aurkeztutako kereilan.
Guardia Zibilak webgunea itxi du, Bartzelonako Juan Antonio Ramirez epaileak aginduta.
Santiago Vidal ERCko senatari ohiaren hitzaldien harira, auzia zabaldu zuen Ramirez epaileak martxoaren 3an. Generalitateak urriaren 1eko erreferenduma antolatzeko eta Estatu egiturak sortzeko 400 milioi prest zituela jakinarazi zuen Vidalek.
Ikerketa horretan, urriaren 1eko prestakuntzan inplikatutako Generalitateko goi-kargudun ugari deklaratzera deitu ditu Ramirez epaileak.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.