Fiskaltzak LLoverasen eta Buchen aurkako kereila aurkeztu du
Kataluniako Fiskaltza Gorenak kereila aurkeztu du AMIren presidente den Neus Lloverasen eta ACMren presidente den Miquel Buchen kontra, erreferendumaren promozioan eta antolakuntzan laguntza emateagatik, eta bi elkarteen webguneak ixtea eskatu du. Lloveras Vilanova i la Geltrúko (Bartzelona) alkatea da, PDeCATeko kidea eta JxSíren diputatua Parlamentean; Buch, aldiz, Premià de Mareko (Bartzelona) alkatea da eta PDeCATeko kidea.
Kataluniako Auzitegi Nagusian gaur aurkeztu duten kereilan, desobedientzia, prebarikazioa eta diru publikoaren bidegabeko erabilpena egin izana leporatzen diete ACMko eta AMIko presidenteei. Fiskaltzak idatzian adierazi duenez, “argi dago” erreferendumaren promozioan eta antolakuntzan parte hartu dutela.
Hainbat neurriren artean, Lloverasi eta Buchi berme ekonomikoa ezartzeko eskatu dio Fiskaltzak Kataluniako Auzitegi Nagusiari.
Kereilan, AMIren eta ACMren webguneak ixteko eskaera egin du Fiskaltza. Gainera, Kataluniako alkateei erreferenduma geldiarazteko deia egitea eskatu zaio Kataluniako Auzitegi Nagusiari. Galdeketaren parte-hartzea sustatzen duten kartelak egiten uzteko agindua emateko eskatu du Fiskaltzak, baita orain arte egin direnak kentzeko ere.
Modu berean, Guardia Zibilari, Esquadra Mossoei eta Espainiako Poliziari erreferenduma ekiditeko neurriak hartzeko eskatu dio Fiskaltzak; eta hautestontziak, manualak, kartelak eta ‘Bai’aren aldeko materiala desagerrarazteko beharra dagoela gogoratu nahi izan du.
Auzitegi Konstituzionalari mespretxua
‘Haien jokabidearekin, kereilatuek, elkarteetako arduradunak diren heinean, Auzitegi Gorenaren jarraibideei mespretxua egin diote”, adierazi du Fiskaltzak idatzian.
Bi elkarteek “giza baliabideak eta baliabide materialak erabili dituzte, haien helburua delituzkoa dela jakinda”. “Honako hau agerikoa da: erreferendumaren deialdiak eta gauzatzeak diru publikoaren gastua dakar”, adierazi du Fiskaltzak gaur aurkeztutako kereilan.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.